ەلباسى بازارداعى باعالاردى سالىستىرىپ شىقتى
ءسوز بارىسىندا ەلباسى ۇلتتىق ۆاليۋتا ماسەلەسىنە توقتالا كەلە، تەڭگەنى قولداۋ ءاربىر ازاماتتىڭ پارىزى ەكەنىن العا تارتتى. « دوللاردى ۇمىتايىق. ءبىز تەڭگەمەن ءومىر سۇرەمىز، ءبارىن تەڭگەگە ساتىپ الامىز، تەڭگەمەن ەسەپ ايىرىسامىز. سوندىقتان دا، بىزگە دوللار ەمەس، تەڭگە ماڭىزدى. وسىنىڭ الدىندا عانا مەن استانالىق ءبىرقاتار بازارعا بارىپ، نەگىزگى ازىق- تۇلىك تاۋارلارىنا قاتىستى باعالاردى سالىستىرىپ شىقتىم» ، - دەدى ن. نازاربايەۆ.
پرەزيدەنتتىڭ ايتۋىنشا، بىلتىرعى جىلدىڭ قاڭتار ايىندا سىيىر ەتى كەلىسىنە 1270 تەڭگەنى قۇراسا، قازىر 1150 تەڭگە تۇرادى. جىلقى ەتى - 1600 بولسا، قازىر 1400 تەڭگە، نان بىلتىر دا بيىل دا 108 تەڭگە، وزگەرىسسىز قالدى. ءسۇت باعاسى 199 تەڭگە بولسا، قازىر 175 تەڭگە. ماكاروننىڭ كەلىسى 257 تەڭگە بولسا، قازىر -170, كارتوپتىڭ كەلىسى - 96 تەڭگە ەدى، قازىر - 80 تەڭگە.
« تاعى نە جەيمىز؟ قىرىققابات 101 تەڭگە بولسا، قازىر - 107 تەڭگە، قىزاناق - بىلتىر 600 تەڭگە بولسا، قازىر 850 - قىستا كوپ الا باستاعان شىعارمىز. ەندى ليمون 150 تەڭگەگە قىمباتتاعان. ارينە، ليمونسىز دا ءومىر سۇرۋگە بولادى عوي» ، - دەدى ن. نازاربايەۆ.
سونىمەن قاتار، پرەزيدەنت قۇرىلىس ماتەريالدارىنىڭ باعاسىن دا سالىستىرىپ بەردى. بەتون بىلتىرعى قاڭتاردا تونناسىنا 8200 تەڭگە بولاتىن، قازىر - 7200, كىرپىش - 8220 ەدى، قازىر - 8300, ارماتۋرا دا سولاي، بلتىر - 79 مىڭ بولسا، قازىر 76 مىڭ تەڭگەنى قۇراپ وتىر.
« ەگەر ءبىز باقىلاساق، قازاقستاندا شىعارىلاتىنداردىڭ ءبارى قىمباتتامايدى، قىمباتتاماۋى دا كەرەك. ال سىرتتان كەلەتىندەردى قاراۋ كەرەك. قاراپايىم ازاماتتارعا وسىنى ءتۇسىندىرۋ قاجەت» ، - دەدى ن. نازاربايەۆ.
