سىرتتان باقىت ىزدەمەي، ەلدىڭ يگىلىگىنە قىزمەت ەتۋ كەرەك - ن. نازاربايەۆ
«بايلىق تا، باقىت تا، ءومىر دە ءوز ەلىڭدە. سىرتتان باقىت ىزدەگەننىڭ ءىسى باياندى بولعانىن كورگەنىم جوق، قانشا ميللياردەر بولساڭ دا، قىزىقتىڭ بارلىعى ءوز ەلىڭدە، ءوز بالا-شاعاڭنىڭ جانىندا»، - دەپ اتاپ ءوتتى مەملەكەت باسشىسى.
وسى ورايدا پرەزيدەنت تۋعان ەل بيزنەس باعىتىن تاڭداعاندارعا بارلىق ءتيىستى جاعدايدى جاساعانىن، بۇل تۇرعىدا بيزنەسمەندەر جاعدايىن جاساپ العانىن ايتا كەلە، «ەندى وسىنىڭ بارلىعىن شەتەلگە اپارىپ، قارجىنى تىعىپ سونشا نە بولدى؟ سونىڭ بارلىعىن الىپ كەلىڭدەر دەپ زاڭداستىرۋدى جاساپ وتىرمىز. ايىپتامايمىز، كەشىرەمىز، ەشكىمدى قۋدالامايمىز. الىپ كەلىڭدەر دە، ەلدىڭ ىشىندە بولىپ جاتقان جەكەشەلەندىرۋگە قاتىسىپ، ءبىر ۇلكەن نىساندى ساتىپ الىڭدار دا، سودان تابىس تاۋىپ، حالىققا جۇمىس بەرەسىڭدەر جانە ەلدىڭ ەكونوميكاسىن كوتەرەسىڭدەر»، - دەدى ەلباسى.
بۇل تۇرعىدا ن. نازاربايەۆ جينالعان قاراجاتتى وتان يگىلىگىنە جۇمساۋ كەرەكتىگىن قاداپ ايتتى.
اۆتور: رۋسلان عابباسوۆ
