تاياۋداعى بەس جىلدا ۆيزالىق جانە ميگراتسيالىق ساياساتتى ودان ءارى وڭايلاتۋعا ءمان بەرىلەدى
بۇل تۋرالى «نۇر وتان» پارتياسىنىڭ «قازاقستان - 2021. بىرلىك. تۇراقتىلىق. جاسامپازدىق» جاڭا سايلاۋالدى باعدارلاماسىندا اتاپ وتىلگەن.
«ە ى د ۇ ۇسىنبالارىنا سايكەس، تاياۋداعى بەس جىلدا ءبىز كەلەسى باعىتتار بويىنشا بەلسەندى جۇمىس جۇرگىزەتىن بولامىز: جەكەمەنشىكتى قورعاۋ، سوت جۇيەسىن جەتىلدىرۋ، زاڭنامالاردىڭ تۇراقتىلىعى، مەملەكەتتىڭ ەكونوميكاعا قاتىسۋىن ازايتۋ، باسەكەلەستىكتى ورتا، ميگراتسيالىق زاڭنامانى ىرىقتاندىرۋ، ۆيزالىق جانە ميگراتسيالىق ساياساتتى ودان ءارى وڭايلاتۋ»، - دەپ اتاپ وتىلگەن قۇجاتتا.
وسى ورايدا ينۆەستيتسيالىق احۋالدى جاقسارتۋ ءۇشىن جەكە ينۆەستيتسيالار تارتۋ، قارجى كوزدەرىن ءارتاراپتاندىرۋ بويىنشا جۇمىستار اتقارىلاتىن بولادى.
«جاڭا ينۆەستيتسيالىق ساياساتتىڭ ماڭىزدى باعىتتارىنىڭ ءبىرى تەحنيكالىق جانە كاسىبي ءبىلىم بەرۋ جۇيەسىن دامىتۋ بولادى. بۇعان قوسا، سمارت-تەحنولوگيالار، كيبەرفيزيكالىق جۇيەلەر، بولاشاق ەنەرگەتيكاسى، جوبالاۋ مەن ينجينيرينگ سالالارىن دامىتۋ ينۆەستيتسيالىق احۋالدى جاقسارتۋدىڭ جۇيەلى شارالارىنىڭ بىرىنە اينالادى»، - دەلىنگەن جاڭا سايلاۋالدى باعدارلاماسىندا.
