كوپ ايەلى بار ەر-ازاماتتارعا جاردەماقى بەرىلەتىن بولادى

استانا. قازاقپارات - بريتان بيلىگى كوپ ايەل الۋعا زاڭ جۇزىندە رۇقسات بەرىلگەن ەلدە نەكەسى قيىلعان كوپ ايەلى بار ەر-ازاماتتىڭ ايەلدەرىنىڭ تۇرمىس قۇرعانىن زاڭ تۇرعىسىنان مويىندايدى.

بۇل جايىندا «ruconnect.co.uk» اقپارات كوزى حابار تاراتتى. تارقاتىپ ايتقاندا، اتالعان ەلدىڭ اۋماعىندا قولدانىستاعى ەرەجە تالاپتارىنا سايكەس كوپ ايەلى بار ەر-ازامات پەن ونىڭ ءبىرىنشى ايەلىنە اپتاسىنا 114 ەۋرو جاردەماقى بەرىلەدى. كەلەسى ايەلدەرىنە شامامەن 40 ەۋرو قارجى تولەنەدى. بريتانيانىڭ اۋماعىندا بىرتىندەپ ەنگىزىلىپ جاتقان «universal credit» جۇيەسى بويىنشا ولاردىڭ نەكەلەرىن مويىنداۋ زاڭ جۇزىندە جەڭىلدەتىلگەن.

الايدا، كوپ ايەلى بار ەر-ازاماتتىڭ كىرىسى جوق ەكىنشى ايەلى جۇمىسسىز بولسا، جەكە تۇلعا رەتىندە ءتيىستى ورىندارعا جاردەماقى ماسەلەسى بويىنشا ءوتىنىش بەرە الادى.

دەسە دە، ۇكىمەتتىڭ بۇل قادامىن سىنعا الىپ وتىرعانداردىڭ ايتۋىنشا، سالىق تولەۋشىلەردىڭ قالتاسىنان بەرىلەتىن جاردەماقىنىڭ مولشەرى مۇنداي جاعدايدا بىرنەشە ەسە كوپ بولادى. ياعني، جەكە تۇلعاعا بەرىلەتىن جاردەماقى مولشەرى كوپ.

ءسوز رەتى كەلگەندە ايتا كەتۋ كەرەك، بۇگىنگى تاڭدا ۇلى بريتانيادا رەسمي ەمەس مالىمەتكە قاراعاندا، 20000 عا جۋىق وسىنداي نەكەدەگى ازامات بار. ءبىز ءسوز ەتكەن «universal credit» جۇيەسى 2021 -جىلى تولىق قولدانىسقا ەنەدى.

islam.kz