10:51, 29 - قاڭتار 2016 | GMT +5
نازاربايەۆ الەۋمەتتىك جەلىلەردى پىكىرتالاسقا ارنالعان ماڭىزدى الاڭ دەپ ەسەپتەيدى
استانا. قازاقپارات - نۇرسۇلتان نازاربايەۆ الەۋمەتتىك جەلىلەردى پىكىرتالاسقا ارنالعان ماڭىزدى الاڭ دەپ ەسەپتەيدى، - دەپ حابارلايدى ەلباسىنىڭ باسپا ءسوز حاتشىسى داۋرەن ابايەۆ.
اقوردانىڭ Facebook الەۋمەتتىك جەلىسىندەگى رەسمي پاراقشاسىندا جازىلۋشىلار سانى 10 مىڭعا جەتتى.
«ءبىزدىڭ جاڭالىقتاردى ۇنەمى وقىپ، پىكىر الماسىپ وتىراتىندارعا العىس ايتقىمىز كەلەدى. ءبىز سىزدەرمەن كەرى بايلانىسۋ ارقىلى عانا جۇمىسىمىزدى جاقسارتا الامىز»، - دەلىنگەن حابارلامادا.
«مەملەكەت باسشىسى ۋاقىتىنىڭ تىعىز بولۋىنا قاراماستان الەۋمەتتىك جەلىلەردەگى نەگىزگى ترەندتەردەن حاباردار بولىپ وتىرادى. ول الەۋمەتتىك جەلىلەردى پىكىرتالاسقا ارنالعان ماڭىزدى الاڭ دەپ ەسەپتەيدى»، - دەدى باسپا ءسوز حاتشىسى.
