قىتاي كومپانيالارى قازاقستانعا ينۆەستيتسيا قۇيۋعا مۇددەلى - فوتو

بەيجىڭ. قازاقپارات - بۇگىن كۇننىڭ ءبىرىنشى جارتىسىندا بەيجىڭگە ق ر ينۆەستيتسيا جانە دامۋ ءمينيسترى اسەت يسەكەشوۆ باسشىلىعىمەن كەلگەن قازاقستاندىق دەلەگاتسيا ءبىرقاتار قىتايلىق كومپانيالاردىڭ باسشىلىعىمەن كەلىسسوزدەر وتكىزدى.

سونىمەن، ءا. يسەكەشوۆ AVIC International Holding Corporation, Shenyang Lianli Copper, SINOFERT, Xian AiJu Cereals&Oil Industry Group Co., Wuhan Shilinfuxing Technology&Development Company Ltd., CNPC, Huatong Electric Wire&Cable Group وكىلدەرىمەن كەزدەستى.

تاراپتار ەكسپورتقا باعدارلانعان جوعارى قوسىمشا قۇنمەن ءونىم ءوندىرۋ بويىنشا ىنتىماقتاستىقتىڭ الەۋەتتى جوبالارى مەن شارتتارىن تالقىلادى، اتاپ ايتقاندا، اۆياتسيا، تاۋ- كەن- مەتاللۋرگيالىق كەشەن، ينفراقۇرىلىمدىق قۇرىلىس، اۋىل شارۋاشىلىعى، ازىق-تۇلىك ونىمدەرى، ەنەرگەتيكا، ەلەكتر كابىلدەرىن دايىنداۋ جانە ت. ب. بار.

قىتاي كومپانيالارى قازاقستانمەن ءوزارا ءىس- قيمىلعا مۇددەلىلىگىن ءبىلدىرىپ، قر- داعى قولايلى ينۆەستيتسيالىق احۋالدى اتاپ ءوتتى.

ق ر ي د م ءمينيسترىنىڭ باسشىلىعىمەن دەلەگاتسيا بەيجىڭدە 29 -قاڭتارعا دەيىن بولادى.

28 -قاڭتاردا ق ح ر مەملەكەتتىك دامۋ جانە رەفورما كوميتەتىمەن بىرلەسكەن يندۋستريالاندىرۋ جانە ينۆەستيتسيالار سالاسىنداعى ىنتىماقتاستىق جونىندەگى 8- قازاقستاندىق- قىتايلىق ءماجىلىس وتەدى. ونىڭ بارىسىندا ىسكە اسىرۋى 2019 - جىلعا بەلگىلەنگەن جوبالاردى (ونىڭ ىشىندە 52 بىرلەسكەن جوبا) قارجىلاندىرۋ، تۋريزم، عىلىم، يننوۆاتسيا سالاسىنداعى ىنتىماقتاستىق ماسەلەلەرى قارالادى.

ساپار اياسىندا مەملەكەتتىك دامۋ جانە رەفورما كوميتەتى، ونەركاسىپ جانە اقپاراتتىق تەحنولوگيالار مينيسترلىگى، قىتاي ينجينيرينگ اكادەمياسى، ونەركاسىپتى دامىتۋ زەرتتەۋ ينستيتۋتى باسشىلارىمەن، سونداي-اق 20 قىتايلىق كومپانيالاردىڭ، ونىڭ ىشىندە Alibaba, Huawei, Inspur, Xiaomi, Lenovo, NetEase جانە جىبەك جول قورىنىڭ وكىلدەرىمەن كەزدەسۋ جوسپارلانعان.