قىتايدىڭ گۋيجوۋ پروۆينسياسى قازاقستانمەن ىنتىماقتاستىقتى دامىتۋعا مۇددەلى - فوتو

بەيجىڭ- گۋيجوۋ. قازاقپارات - ق ح ر- داعى ق ر توتەنشە جانە وكىلەتتى ەلشىسى شاحرات نۇرىشەۆ گۋيجوۋ پروۆينتسياسىنا جۇمىس ساپارى بارىسىندا ءوڭىر گۋبەرناتورىنىڭ ءبىرىنشى ورىنباسارى شين جۋپيمەن كەزدەستى.

تاراپتار ىنتىماقتاستىق پەرسپەكتيۆالارىن، سونداي-اق قازاقستاننىڭ ترانزيتتىك-كولىكتىك، تۋريستىك جانە اۋىل شارۋاشىلىعى الەۋەتىن دامىتۋ ماسەلەلەرىن تالقىلادى.

شين جۋپي ق ح ر شينجاڭ- ۇيعىر اۆتونوميالىق ولكەسىمەن گۋيجوۋ پروۆينسياسىن بىرىكتىرەتىن تەمىر جول قۇرىلىسىن سالۋدىڭ ارقاسىندا كەلەشەكتە ق ر مەن گۋيجوۋ اراسىندا تاۋار اينالىمىنىڭ ءوسىمى كۇتىلەتىنىن اتاپ ءوتتى.

ءوز كەزەگىندە ش. نۇرىشەۆ جەتۋى قيىن تاۋلى وڭىردە جۇمىس تاجىريبەسى بار گۋيجوۋلىق قۇرىلىس كومپانيالارىن ق ر اۋماعىنداعى ينفراقۇرىلىمدىق جوبالاردى ينۆەستيتسيالاۋعا بەلسەندى قاتىسۋعا شاقىردى.

ەلشى «Guizhou Jonyang Kinetics Co.,Ltd», «Guizhou Guiren Ecological Sand Science &Technology Co.Ltd», «Guizhou Aerospace Wujiang Electro-mechanical Equipment Co.Ltd», سياقتى ءوڭىردىڭ ءىرى كاسىپورىندارىن ارالادى، وندا اۋىل شارۋاشىلىعى، ينفراقۇرىلىمدىق قۇرىلىس، كومپيۋتەرلىك جانە عارىش تەحنولوگيالارى، قۇرىلىس ماتەريالدارىن ءوندىرۋ سالاسىنداعى كومپانيالاردىڭ جەتەكشى يننوۆاتسيالىق ازىرلەمەلەرىمەن تانىستى.

ەسكە سالساق، گۋيجوۋ پروۆينتسياسى قىتايدىڭ وڭتۇستىك باتىسىندا ورنالاسقان. حالقى 40 ميلليونعا جۋىق. اكىمشىلىك ورتالىعى - گۋيان قالاسى. 2015 -جىلى وڭىرلىك جالپى ءونىم 165 ميلليارد دوللار قۇرادى.