10:10, 22 - قاڭتار 2016 | GMT +6
ءداستۇرلى كيىم كورمەسى قىتاي ساياحاتشىلارىن باۋراپ الدى
استانا. قازاقپارات - شىڭجاڭداعى موڭعولكۇرە اۋدانى قاشاجار قالاشىعىنداعى سالت-سانا، مادەنيەت ۇيىندە قازاقتىڭ ءداستۇرلى كيىم-كەشەكتەرىن جارنامالايتىن كورمە اشىلدى.
كولەمى 1 مىڭ شارشى مەتردى قۇرايتىن بۇل مادەنيەت ءۇيى بۇرىنعى ەسكى زاۋىت عيماراتى ەكەن. باسشىلىقتاعى ۇلت مادەنيەتىنە جانى اشىر ازاماتتار ونى بۇتىندەي قايتا جوندەۋدەن وتكىزىپ، سالت-ءداستۇر، مادەنيەتتى جاڭعىرتاتىن، ءبىرىڭعاي ۇلتتىق قۇندىلىقتاردىڭ بازاسى رەتىندە قالىپتاستىرعان.
بۇگىنگى كۇنى جاڭاشا تۇسكە ەنىپ، ءسانى مەن سالتاناتى قۇپ جاراسقان مادەنيەت ۇيىنە الىس-جۋىقتان كەلەتىن كورۋشىلەر، اسىرەسە قىتايدىڭ ىكشى ولكەسىنەن شىڭجاڭعا ساياحاتتاي كەلۋشى قىتايلار كوپتەپ باس سۇعىپ، قىزىعا تاماشالاۋدا. سونىڭ ىشىندە ەل كوزىن ەرەكشە تارتاتىن جادىگەرلەردىڭ ءبىرى ءداستۇرلى كيىم-كەشەك كورمەسى بولىپ تۇر.
Baq.kz
