22:48, 20 - قاڭتار 2016 | GMT +5
باپكەرلەر يسلام بوزبايەۆتى ۇلتتىق قۇرامادان قۋىپ جىبەردى
استانا. قازاقپارات - تالانتتى دزيۋدوشى، ازيا ويىندارىنىڭ كۇمىس جۇلدەگەرى يسلام بوزبايەۆ الداعى وليمپيادا ويىندارىنا قاتىسپايتىن بولدى.
بۇل تۋرالى NUR. KZ حابارلايدى.
باپكەرلەر استاناداعى الەم چەمپيوناتىندا ءساتسىز ونەر كورسەتكەن سوڭ، جاتتىعۋعا اتۇستى قاراعان بالۋاندى ەكى جىلعا سپورتتان شەتتەتكەن.
«الەم چەمپيوناتىنداعى جەڭىلىستەن سوڭ سپورتتىق رەجيمدى بۇزعان بوزبايەۆ كوماندالىق سىنعا قاتىسا العان جوق. وسىدان سوڭ، باپكەرلەر قۇرامى يسلامدى ەكى جىلعا قۇرامادان شەتتەتتى»، - دەيدى دزيۋدودان قازاقستان قۇراماسىنىڭ باس باپكەرى ەرمەك يمامبەكوۆ.
ەسكە سالا كەتەيىك، يسلام بوزبايەۆ وسىدان ەكى جىل بۇرىن اياعىنا تيگەن وقتان جاراقات الىپ، سپورتتان ءبىراز ۋاقىتقا قول ءۇزىپ قالعان بولاتىن. الايدا، ءبىر جىلدىق ۇزىلىستەن سوڭ سپورتشى تاتاميگە قايتا ورالىپ، بىرنەشە تۋرنيردە جەڭىمپاز اتانعان.
