جەتى جاسار قازاق قىزى گەرمانيادا وتكەن سۋرەت بايقاۋىندا جەڭىمپاز اتاندى

استانا. قازاقپارات - پاۆلودار قالاسىنداعى 2№  بالالار كوركەمسۋرەت مەكتەبىنىڭ وقۋشىسى ايعانىم قايىربايەۆا گەرمانيانىڭ Schwedt قالاسىندا وتكەن 48- ينتەرناتسيونالدىق بالالار سۋرەتتەر بايقاۋىندا جەڭىمپاز اتاندى، دەپ حابارلايدى pavlodarnews.kz.

وبلىستىق ءبىلىم بەرۋ باسقارماسى ۇسىنعان اقپاراتقا سۇيەنسەك، «جاعاجايدا» سۋرەتىمەن ءبىرىنشى ورىنعا يە بولعان ايعانىم باعالى سىيلىقپەن جانە ديپلوممەن ماراپاتتالعان. جەتەكشىسى - كەسكىندەمە ءپانىنىڭ ۇستازى ناتاليا گەرۋسوۆا. كىشكەنتاي سۋرەتشى دارىندى بالالارعا ارنالعان 8№ مەكتەپ-ليتسەيىنىڭ 2 «В» - سىنىبىندا ءبىلىم الۋدا.

شەتەلدە ۇيىمداستىرىلعان شاراعا رەسەي، قىتاي، جاپونيا، ورتالىق ازيا مەن ەۋروپا ەلدەرىنەن 250 گە جۋىق بالا قاتىستى.

«وبلىستىڭ وقۋشىلارى مەن ۇستازدارى بايقاۋدى ۇيىمداستىرۋشىلاردان 2016-جىلدىڭ شىلدە ايىندا وتەتىن 49- بايقاۋعا شاقىرتۋ الدى»، - دەيدى جەتەكشىسى ناتاليا گەرۋسوۆا.