بايان-ولگيلىك قازاق بوكسشى اۋىر سالماقتا موڭعولداردى بەت قاراتپادى
بۇل ەربولاتتىڭ ەكى رەت موڭعوليا مەملەكەتىنىڭ چەمپيونى بولۋى. 1990 -جىلى تۋعان سپورت شەبەرى اۋىر سالماقتاعى بوكستا بارلىق قازاق جاستارىنىڭ اراسىنداعى تاڭداۋلى سپورتشى دەۋگە ابدەن بولادى. ونىڭ جەتىستىكتەرى بۇل عانا ەمەس. بوكسقا سپورتتىڭ كۇرەس تۇرىنەن كەلگەن ول، باپكەرى قاينار قايسانايدىڭ باپتاۋىندا تەز ارادا قالىپقا ءتۇسىپ، جاقسى ناتيجە جەتە باستاعان.
ونىڭ جەڭىستەرى تۋرالى قىسقاشا توقتالا كەتسەك، ەربولات بىلعارى قولعاپ كيگەن العاشقى ايدا- اق جاستار اراسىنداعى ەل بىرىنشىلىگىندە 81 كەلى سالماقتا قولا مەدال الىپ ۇلگەرەدى. ال، 2010 -جىلى ستۋدەنتتەر اراسىندا وتكەن ەل بىرىنشىلىگىندە كۇمىس مەدال، 2011 -جىلعى ەرەسەكتەر اراسىندا وتكەن ەل بىرىنشىلىگىندە كۇمىس مەدال، 2011 -جىلى قازاق ەلىندە وتكەن يساتاي مەن ماحامبەت باتىر اتىنداعى حالىقارالىق تۋرنيردە كۇمىس مەدال، ال، 2012 -جىلى قاڭتار ايىندا وتكەن ەرەسەكتەر اراسىنداعى موڭعوليانىڭ ەل بىرىنشىلىگى مەن 4 -جىلدا ءبىر رەت بولاتىن بۇكىل حالىقتىق 13- سپارتاكيادا التىن مەدال الادى. موڭعوليانىڭ ۇزدىك 10 بوكسشىسىنىڭ قاتارىنا كىرەتىن باۋىرىمىز ەندى مىنە تاعى دا جەڭىستىڭ بيىك تۇعىرىنان كورىنىپ وتىر.
بۇل جولعى جارىس موڭعولياداعى قانداستارىمىز ءۇشىن تابىستى ءوتتى دەۋگە نەگىز بار. سەبەبى، وسى دودادا تاعى ءبىر بوكسشى باۋىرىمىز ت. ىبىرايىم الامان جارىستا كۇمىس مەدالعا قول جەتكىزدى.
مۇرات الماسبەك ۇلى
Baq.kz
