قازاقستان ديپلوماتى قىتايدا ينۆەستيتسيالىق فورۋمعا قاتىستى
فورۋمدا سويلەگەن سوزىندە ج. قىراۋبايەۆ قازاقستاندىق-قىتايلىق ەكونوميكالىق ىنتىماقتاستىقتىڭ جاڭا دەڭگەيىنە شىعۋىندا ماڭىزدى ءرول ق ر پرەزيدەنتى ن. نازاربايەۆتىڭ «نۇرلى جول» جانە ق ح ر ءتوراعاسى شي جينپيڭنىڭ «ءبىر بەلدەۋ - ءبىر جول» باستامالارىن بىرلەسىپ ىسكە اسىرۋعا بولىنەتىنىن اتاپ ءوتتى.
ديپلومات ساۋدانى كەڭەيتۋ، قىتاي مەن ەۋروپا اراسىنداعى كەڭىستىكتە كولىك تاسىمالىن جەدەلدەتۋ ءۇشىن جاڭا مۇمكىندىكتەر - «قورعاس»، «قورعاس - شىعىس قاقپاسى» ا ە ا شەكارالىق ىنتىماقتاستىعى حالىقارالىق ورتالىعىن دامىتۋدى، «باتىس قىتاي - باتىس ەۋروپا» جولىنىڭ قۇرىلىسىن اياقتاۋدى، لياڭيۋنگاڭ قالاسىنداعى قازاقستاندىق- قىتايلىق لوگيستيكالىق تەرمينالدىڭ جۇمىس ىستەۋىن قامتيتىنىنا توقتالدى.
ج. قىراۋبايەۆ قىتاي بيزنەسمەندەرىن «ەكسپو-2017» حالىقارالىق مامانداندىرىلعان كورمەگە بەلسەندى قاتىسۋعا شاقىردى.
فورۋمنىڭ اياقتالعان سوڭ قىتاي كاسىپكەرلەرىنىڭ قاۋىمداستىعى ج. قىراۋبايەۆپەن كەزدەسۋ ۇيىمداستىردى. كەزدەسۋ بارىسىندا ق ح ر- عا قازاقستاندىق ءونىمدى يمپورتتاۋ، قازاقستاننىڭ ينۆەستيتسيالىق ساياساتى سالاسىنداعى ەكىجاقتى ىنتىماقتاستىقتىڭ جەكەلەگەن باعىتتارى تالقىلاندى.
