تارازدا ەلدىڭ ۇزدىك پالۋاندارى انىقتالىپ جاتىر - فوتو
ول تاۋەلسىزدىكتىڭ 25 جىلدىعىنا ارنالعان.
تۋرنيرگە سەگىز سالماق دارەجەسى بويىنشا رەسپۋبليكانىڭ ۇزدىك پالۋاندارى شاقىرىلعان. تورەشىلەر: يران، وڭتۇستىك كورەيا، يتاليا، موڭعوليا جانە بەلارۋستەن حالىقارالىق دارەجەدەگى تورەشىلەر شاقىرىلدى.
تۋرنيردى اشقان جامبىل وبلىسى اكىمىنىڭ ورىنباسارى ەرقانات مانجۋوۆ جارىسقا 14 وبلىس پەن الماتى جانە استانا قالالارىنان شامامەن 600 سپورتشى كەلگەنىن ايتتى.
وليمپيادا ويىندارىنىڭ چەمپيونى جاقسىلىق ۇشكەمپىروۆ بۇل تۋرنيردە سپورتشىلار حالىقارالىق جارىستارعا، 2016 -جىلعى وليمپياداعا ليتسەنزيا الۋ ءۇشىن كۇرەسەتىنىن ەسكە سالدى.
ءبىرىنشى كۇننىڭ قورىتىندىسى بويىنشا 59, 71, 75, 80 جانە 98 ك گ سالماق دارەجەلەرىندەگى جەڭىمپازدار مەن جۇلدەگەرلەر انىقتالدى. جامبىلدىقتاردىڭ اراسىندا داستان وسكەنبەكوۆ رەسپۋبليكا چەمپيونى (59 ك گ) اتانسا، ءابۋناسىر ءومىرزاق (71 ك گ) جانە جانسەرىك سارسەنبيەۆ (59 ك گ) كۇمىس جانە قولا جۇلدەگە يە بولدى. الماتى مەن قوستاناي وبلىستارىنىڭ سپورتشىلارى كوزگە ءتۇستى.
ەكىنشى كۇنى گرەك-ريم كۇرەسى بويىنشا 66, 85 جانە 130 ك گ سالماق دارەجەسىندەگى ۇزدىكتەر انىقتالدى. بۇل كۇنى 48, 58, 69 جانە 75 ك گ سالماق دارەجەلەرىندە قىزدار باعىن سىنايدى. الماتى وبلىسى، الماتى جانە استانا قالالارىنىڭ وكىلدەرى ءتورت مەدالدان، قاراعاندى جانە وڭتۇستىك قازاقستان وبلىستارىنىڭ سپورتشىلارى ءۇش مەدالدى قانجىعاسىنا بايلادى.
