ق ر ۇكىمەتى جەرگىلىكتى پوليتسيا قىزمەتى تۋرالى ەرەجەنى بەكىتتى

استانا. قازاقپارات - ق ر ۇكىمەتى ىشكى ىستەر ورگاندارىنىڭ جەرگىلىكتى پوليتسيا قىزمەتى تۋرالى ەرەجەنى بەكىتتى.

«قازاقپارات» ح ا ا بۇيرىقتىڭ تولىق ءماتىنىن ۇسىنادى.

 قازاقستان رەسپۋبليكاسى ۇكىمەتىنىڭ قاۋلىسى №1142

2015 -جىلعى 30 -جەلتوقسان، استانا، ۇكىمەت ءۇيى

ىشكى ىستەر ورگاندارىنىڭ جەرگىلىكتى پوليتسيا قىزمەتى تۋرالى ەرەجەنى بەكىتۋ تۋرالى

«قازاقستان رەسپۋبليكاسىنىڭ ىشكى ىستەر ورگاندارى تۋرالى» 2014 -جىلعى 23 -ساۋىردەگى قازاقستان رەسپۋبليكاسىنىڭ زاڭى 10-بابىنىڭ 2-1) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:

1. قوسا بەرىلىپ وتىرعان ىشكى ىستەر ورگاندارىنىڭ جەرگىلىكتى پوليتسيا قىزمەتى تۋرالى ەرەجە بەكىتىلسىن.

2. وسى قاۋلى 2016 -جىلعى 1 -قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس.

قازاقستان رەسپۋبليكاسىنىڭ پرەمەر-ءمينيسترى ك. ءماسىموۆ.

قازاقستان رەسپۋبليكاسى ۇكىمەتىنىڭ

2015 -جىلعى 30 -جەلتوقسانداعى №1142 قاۋلىسىمەن بەكىتىلگەن

ىشكى ىستەر ورگاندارىنىڭ جەرگىلىكتى پوليتسيا قىزمەتى تۋرالى ەرەجە

1. جالپى ەرەجەلەر

1. وسى ەرەجە «قازاقستان رەسپۋبليكاسىنىڭ ىشكى ىستەر ورگاندارى تۋرالى» 2014 -جىلعى 23 -ساۋىردەگى قازاقستان رەسپۋبليكاسىنىڭ زاڭى 10-بابىنىڭ 2-1) تارماقشاسىنا سايكەس ازىرلەندى جانە ىشكى ىستەر ورگاندارىنىڭ جەرگىلىكتى پوليتسيا قىزمەتىنىڭ مارتەبەسىن، وكىلەتتىكتەرىن، سونداي- اق ىشكى ىستەر ورگاندارىنىڭ جەرگىلىكتى پوليتسيا قىزمەتىنىڭ (بۇدان ءارى - ج پ ق) جۇمىسىن ۇيىمداستىرۋ ماسەلەلەرىندە جەرگىلىكتى اتقارۋشى ورگانداردىڭ وكىلەتتىكتەرىن ايقىندايدى.

2. ج پ ق ءوزىنىڭ قىزمەتىن قازاقستان رەسپۋبليكاسىنىڭ كونستيتۋتسياسىنا جانە زاڭدارىنا، قازاقستان رەسپۋبليكاسىنىڭ پرەزيدەنتى مەن ۇكىمەتىنىڭ اكتىلەرىنە، وزگە دە نورماتيۆتىك قۇقىقتىق اكتىلەرگە، سونداي- اق وسى ەرەجەگە سايكەس جۇزەگە اسىرادى.

3. ج پ ق ۋچاسكەلىك پوليتسيا ينسپەكتورلارى بولىمشەلەرىنەن، كامەلەتكە تولماعاندار ىستەرى، ايەلدەردى زورلىق- زومبىلىقتان قورعاۋ جونىندەگى بولىمشەلەردەن، جول- پاترۋلدىك پوليتسياسىنان، تابيعاتتى قورعاۋ پوليتسياسىنان، قابىلداۋ- ءبولۋ ورىندارىنان جانە ارناۋلى قابىلداۋ ورىندارىنان تۇرادى جانە ىشكى ىستەر ورگاندارىنىڭ ءبىرىڭعاي جۇيەسىنە كىرەدى.

4. ج پ ق قىزمەتكەرلەرىنىڭ قىزمەت وتكەرۋ شارتتارىن قوسا العاندا، قۇقىق قورعاۋ ورگاندارىنىڭ قىزمەتكەرلەرى دەگەن ءبىرىڭعاي قۇقىقتىق مارتەبەسى بار.

5. ج پ ق قىزمەتكەرلەرىن ماتەريالدىق قامتاماسىز ەتۋ جانە الەۋمەتتىك قورعاۋ قازاقستان رەسپۋبليكاسىنىڭ زاڭناماسىندا رەگلامەنتتەلەدى.

6. جەرگىلىكتى پوليتسيا قىزمەتىنىڭ جۇمىسىن ۇيلەستىرۋدى قازاقستان رەسپۋبليكاسىنىڭ ىشكى ىستەر مينيسترلىگى دارا باسشىلىق جانە سۋبورديناتسيا (باعىنىستىلىق) قاعيداتى نەگىزىندە ىشكى ىستەر ورگاندارىنىڭ قىزمەتىن رەگلامەنتتەيتىن ءبىرىڭعاي نورماتيۆتىك قۇقىقتىق جانە ادىستەمەلىك بازاعا سايكەس جۇزەگە اسىرادى.

7. ج پ ق قارجىلاندىرۋ وبلىستاردىڭ، رەسپۋبليكالىق ماڭىزى بار قالالاردىڭ، استانانىڭ جەرگىلىكتى بيۋدجەتىنەن جۇزەگە اسىرىلادى.

2. ج پ ق نەگىزگى مىندەتتەرى، فۋنكتسيالارى، قۇقىقتارى مەن مىندەتتەمەلەرى

8. ج پ ق مىندەتتەرى:

1) قۇقىق بۇزۋشىلىقتار پروفيلاكتيكاسى؛

2) قوعامدىق ءتارتىپتى ساقتاۋ؛

3) جول ءجۇرىسى قاۋىپسىزدىگىن قامتاماسىز ەتۋ؛

4) اكىمشىلىك قۇقىق بۇزۋشىلىق تۋرالى ىستەر بويىنشا ءىس جۇرگىزۋ؛

5) قىلمىستىق قۇقىق بۇزۋشىلىقتاردىڭ الدىن الۋ جانە جولىن كەسۋ؛

6) قىلمىستىق تەرىس قىلىقتار بويىنشا حاتتامالىق نىساندا سوتقا دەيىنگى تەرگەپ- تەكسەرۋ؛

7) ىشكى ىستەر ورگاندارىنىڭ قابىلداۋ- ءبولۋ جانە ارنايى قابىلداۋ ورىندارىندا ادامداردى ۇستاۋ؛

8) ج پ ق وبلىستاردىڭ، رەسپۋبليكالىق ماڭىزى بار قالالاردىڭ، استانانىڭ اكىمدەرى الدىندا قوياتىن ءتيىستى اكىمشىلىك- اۋماقتىق بىرلىكتىڭ اۋماعىندا قۇقىق ءتارتىبىن قامتاماسىز ەتۋ جونىندەگى وزگە دە مىندەتتەر.

9. ج پ ق فۋنكتسيالارى:

1) قۇقىق بۇزۋشىلىقتاردى جاساۋعا ىقپال ەتەتىن سەبەپتەر مەن جاعدايلاردى انىقتاۋعا، زەردەلەۋگە، جويۋعا باعىتتالعان شارالار كەشەنىن جۇزەگە اسىرادى؛

2) قوعامدىق ءتارتىپتى ساقتاۋ بويىنشا شارالار كەشەنىن جۇزەگە اسىرادى؛

3) جول ءجۇرىسىن جانە ونىڭ قاۋىپسىزدىگىنىڭ قامتاماسىز ەتىلۋىن مەملەكەتتىك باقىلاۋدى جانە قاداعالاۋدى جۇزەگە اسىرادى؛

4) اكىمشىلىك قۇقىق بۇزۋشىلىق تۋرالى ىستەر بويىنشا ءىس جۇرگىزۋدى جۇزەگە اسىرادى؛

5) قىلمىستىق تەرىس قىلىقتاردى تەرگەپ- تەكسەرۋدى جۇزەگە اسىرادى؛

6) اكىمشىلىك قاماۋعا الىنعان جانە بەلگىلى ءبىر تۇرعىلىقتى جەرى جانە (نەمەسە) جەكە باستى كۋالاندىراتىن قۇجاتتارى جوق ادامداردى قابىلداۋدى جانە ۇستاۋ جاعدايىن قامتاماسىز ەتەدى؛

7) قازاقستان رەسپۋبليكاسىنىڭ زاڭدارىندا، قازاقستان رەسپۋبليكاسىنىڭ پرەزيدەنتى مەن قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.

10. ج پ ق قۇقىقتارى جانە مىندەتتەمەلەرى:

ج پ ق «قازاقستان رەسپۋبليكاسىنىڭ ىشكى ىستەر ورگاندارى تۋرالى» 2014 -جىلعى 23 -ساۋىردەگى قازاقستان رەسپۋبليكاسىنىڭ زاڭىنا سايكەس ءوز قۇزىرەتى شەگىندە:

1) جەكە جانە زاڭدى تۇلعالاردان قازاقستان رەسپۋبليكاسىنىڭ زاڭناماسىن ساقتاۋدى، قۇقىققا قارسى ارەكەتتەردى توقتاتۋدى تالاپ ەتۋگە، ال بۇل تالاپتاردى ورىنداماعان جاعدايدا تيىستى ماجبۇرلەۋ شارالارىن قولدانۋعا؛

2) جەكە تۇلعالاردىڭ جەكە باسىن كۋالاندىراتىن، سونداي- اق ورىندالۋىن باقىلاۋ ىشكى ىستەر ورگاندارىنا جۇكتەلگەن، بەلگىلەنگەن قاعيدالاردىڭ ساقتالۋىن تەكسەرۋگە قاجەتتى باسقا دا قۇجاتتاردى تەكسەرۋگە؛

3) جەكە تۇلعالاردى جانە زاڭدى تۇلعالاردىڭ وكىلدەرىن ىس جۇرگىزۋدە جاتقان ماتەريالدار مەن ىستەر بويىنشا ىشكى ىستەر ورگاندارىنا شاقىرۋعا، ولاردان تۇسىنىك جانە ايعاقتار، قۇجاتتار، ولاردىڭ كوشىرمەلەرىن الۋعا، ال، كەلمەگەن كەزدە بەلگىلەنگەن تارتىپپەن كۇشتەپ كەلتىرۋگە؛

4) جەكە جانە زاڭدى تۇلعالارعا قىلمىستىق نەمەسە اكىمشىلىك قۇقىق بۇزۋشىلىقتار جاساۋعا ىقپال ەتەتىن سەبەپتەر مەن جاعدايلاردى جويۋ تۋرالى ورىندالۋى مىندەتتى ۇيعارىمدار، ۇسىنىمدار ەنگىزۋگە؛

5) قوعامدىق ءتارتىپتى ساقتاۋدا ەرەكشە كوزگە تۇسكەن ازاماتتاردى كوتەرمەلەۋگە؛

6) قوعامدىق، توپتىق نەمەسە جەكە مۇددەلەر مەن نارازىلىق تانىتۋدىڭ زاڭسىز نىساندارىنىڭ جولىن كەسۋگە؛

7) پسيحيكاعا بەلسەندى اسەر ەتەتىن زاتتاردى تۇتىنۋ فاكتىسىن جانە ماساڭ كۇيدە بولعانىن انىقتاۋ ءۇشىن ادامدارعا كۋالاندىرۋ جۇرگىزۋگە، ال، مۇمكىن بولماعان جاعدايدا - كۋالاندىرۋ ءۇشىن مەديتسينالىق مەكەمەلەرگە جەتكىزۋگە؛

8) كولىك قۇرالدارىن توقتاتۋعا جانە تەكسەرىپ قاراۋعا، ادامداردى كولىك قۇرالدارىن باسقارۋدان شەتتەتۋگە، كولىك قۇرالدارىن پايدالانۋعا تىيىم سالۋعا، كولىك قۇرالدارى مەن جاياۋ جۇرگىنشىلەردىڭ ءجۇرىسىن ۋاقىتشا شەكتەۋگە نەمەسە وعان تىيىم سالۋعا؛

9) توتەنشە جاعدايلاردىڭ سالدارىن جويۋ، تەرروريزمگە قارسى وپەراتسيانى، كۇزەتۋ، كوپشىلىك، كارانتيندىك ءىس- شارالارىن وتكىزۋ، ىزدەۋ سالۋدا جۇرگەن ادامداردى ۇستاۋ، كەپىلگە الىنعانداردى بوساتۋ، قىلمىستىق نەمەسە اكىمشىلىك قۇقىق بۇزۋشىلىقتار جاسادى دەپ كۇدىك كەلتىرىلگەن ادامداردىڭ ىزىنە ءتۇسۋ، جارىلعىش زاتتار، وق- دارىلەر جانە جارعىش قۇرىلعىلار، ۋلى جانە راديواكتيۆتى زاتتار تابىلعاندىعى تۋرالى مالىمەتتەردى تەكسەرۋ، جاپپاي تارتىپسىزدىكتىڭ جانە جەكە تۇلعالاردىڭ قاۋىپسىزدىگىنە، ينفراقۇرىلىم وبەكتىلەرىنىڭ تىنىس- تىرشىلىگىنە ءقاۋىپ توندىرەتىن، قوعامدىق ءتارتىپتى بۇزاتىن وزگە دە توپتاسقان ارەكەتتەردىڭ جولىن كەسۋ كەزىندە جەرگىلىكتى جەر ۋچاسكەلەرىن قورشاۋعا الۋدى جۇرگىزۋگە؛

10) كۇزەتىلەتىن، كوپشىلىك ءىس- شارالار وتكىزىلەتىن ورىندارعا كىرۋ (كەلۋ) كەزىندە جەكە تۇلعالاردى، ولاردىڭ زاتتارىن، كولىك قۇرالدارىن جانە وتكىزىلەتىن جۇكتەردى تەكسەرىپ قاراۋدى، ونىڭ ىشىندە تەحنيكالىق قۇرالداردى پايدالانىپ تەكسەرىپ قاراۋدى جۇرگىزۋگە، ولار وتكىزىلەتىن ورىندارعا تىيىم سالىنعان نارسەلەر مەن زاتتارى بار ادامدار مەن كولىك قۇرالدارىن كىرگىزبەۋگە؛

11) جەدەل- پروفيلاكتيكالىق، ىزدەستىرۋ جانە وزگە دە ارناۋلى ءىس- شارالاردى وتكىزۋ كەزىندە باقىلاۋ- وتكىزۋ پۋنكتتەرىن ورناتۋعا؛

12) كارانتيندىك، سانيتاريالىق- ەپيدەمياعا قارسى جانە تابيعاتتى قورعاۋ ءىس- شارالارىنا قاتىسۋعا؛

13) توتەنشە جاعدايلاردىڭ سالدارىن جويۋ ءۇشىن ورتكە قارسى جانە اۆاريالىق- قۇتقارۋ قىزمەتتەرىنىڭ كۇشتەرى مەن قۇرالدارىن، كولىك جانە باسقا دا ماتەريالدىق- تەحنيكالىق قۇرالداردى، ۇيىمداردىڭ بايلانىس جانە حيميالىق قورعانۋ قۇرالدارىن تارتۋعا؛

14) قىلمىستىق قۇقىق بۇزۋشىلىق جاسادى دەپ كۇدىك كەلتىرىلگەن ادامنىڭ ىزىنە ءتۇسۋ، وقيعا ورنىنا بارۋ، توتەنشە نەمەسە سوعىس جاعدايى قولدانىلعان كەزەڭدە، قارۋلى قاقتىعىس جاعدايىندا، توتەنشە جاعدايلاردى جويۋ كەزىندە، سونداي- اق مەنشىك يەلەرىنە ماتەريالدىق زالال كەلتىرىلگەن جاعدايدا قازاقستان رەسپۋبليكاسىنىڭ ۇكىمەتى ايقىنداعان تارتىپپەن ونىڭ ورنىن تولتىرا وتىرىپ، ەگەر كىدىرتۋ ادامداردىڭ ءومىرى مەن دەنساۋلىعىنا ناقتى قاتەر ءتوندىرۋى مۇمكىن بولاتىن بولسا، جەدەل مەديتسينالىق كومەككە مۇقتاج ادامداردى مەديتسينا ۇيىمدارىنا جەتكىزۋ ءۇشىن كولىكتىڭ كەز كەلگەن ءتۇرىن (ديپلوماتيالىق يممۋنيتەتى بار شەت مەملەكەتتەر وكىلدىكتەرى مەن حالىقارالىق ۇيىمداردىڭ كولىك قۇرالدارىنان باسقا) پايدالانۋعا؛

15) ازاماتتىق جانە قىزمەتتىك قارۋ مەن ونىڭ پاتروندارىن، ازاماتتىق پيروتەحنيكالىق زاتتار مەن ولار قولدانىلىپ جاسالعان بۇيىمداردى ساقتايتىن ورىندارعا تەكسەرۋلەر جۇرگىزۋگە؛

16) قىلمىستىق نەمەسە اكىمشىلىك قۇقىق بۇزۋشىلىقتاردىڭ جاسالۋ اكتىلەرىن جانە ىشكى ىستەر ورگاندارى قىزمەتكەرلەرىنىڭ ارەكەتتەرىن تىركەۋ ءۇشىن تەحنيكالىق قۇرالداردى پايدالانۋعا؛

17) قىلمىستىق نەمەسە اكىمشىلىك قۇقىق بۇزۋشىلىقتار جاساعان ادامداردى ۇستاۋ جونىندە ءىس- شارالار جۇرگىزۋگە؛

18) جەكە تۇلعالاردى اكىمشىلىك قۇقىق بۇزۋشىلىق جاساعانى ءۇشىن ىشكى ىستەر ورگاندارىنا جەتكىزۋگە؛

19) قىلمىستىق نەمەسە اكىمشىلىك قۇقىق بۇزۋشىلىقتار جاساعان اسكەري قىزمەتشىلەردى ۇستاۋعا جانە ولاردى اسكەري پوليتسيا ورگاندارىنا، اسكەري بولىمدەر كومانديرلەرىنە نەمەسە جەرگىلىكتى اسكەري باسقارۋ ورگاندارىنىڭ باستىقتارىنا تاپسىرۋعا؛

20) قارۋدى، وق- دارىلەردى، ەسىرتكىنى، پسيحوتروپتىق زاتتار مەن پرەكۋرسورلاردى، سونداي- اق وزگە دە تىيىم سالىنعان نارسەلەر مەن زاتتاردى الىپ قويۋعا؛

21) جەكە ادامداردىڭ قاۋىپسىزدىگىنە قاتەر توندىرەتىن قىلمىستىق نەمەسە اكىمشىلىك قۇقىق بۇزۋشىلىقتار جاساعان دەپ كۇدىك كەلتىرىلگەن ادامداردىڭ ىزىنە ءتۇسۋ كەزىندە نە سول جەردە قىلمىستىق نەمەسە اكىمشىلىك قۇقىق بۇزۋشىلىق جاسالدى نەمەسە جاسالۋدا، جازاتايىم وقيعا بولدى دەپ ساناۋ ءۇشىن جەتكىلىكتى مالىمەتتەر بولسا، دۇلەي ءزىلزالالار، اپاتتار، اۆاريالار، ەپيدەميالار، ەپيزووتيالار جانە جاپپاي تارتىپسىزدىكتەر كەزىندە جەكە تۇلعالاردىڭ جەكە باسىنىڭ قاۋىپسىزدىگى مەن قوعامدىق قاۋىپسىزدىكتى قامتاماسىز ەتۋ ءۇشىن تۇرعىن جانە وزگە دە ءۇي- جايلارعا، اۋماقتارعا جانە جەر ۋچاسكەلەرىنە (ديپلوماتيالىق يممۋنيتەتى بار شەت مەملەكەتتەر وكىلدىكتەرى مەن حالىقارالىق ۇيىمداردان باسقا) كەدەرگىسىز كىرۋگە، ولاردى قاراپ تەكسەرۋگە؛

22) ەگەر جەكە تۇلعالاردىڭ تۇرعىن جايلاردا، جەرگىلىكتى جەردىڭ بەلگىلى ءبىر ۋچاسكەلەرىندە بولۋى ادامنىڭ ءومىرى مەن دەنساۋلىعىنا، مەنشىك وبەكتىلەرىنە قاتەر توندىرەتىن بولسا، ۇيىمداردىڭ جۇمىسىن بۇزسا، كولىك قۇرالدارى مەن جاياۋ جۇرگىنشىلەردىڭ جۇرىسىنە كەدەرگى كەلتىرەتىن بولسا، سونداي- اق جەدەل- ىزدەستىرۋ ءىس- شارالارىن، تەرگەۋ امالدارى مەن كوپشىلىك ءىس- شارالاردى جۇرگىزگەن جاعدايلاردا ولاردىڭ سول جەرلەرگە كىرۋىن نەمەسە وندا بولۋىن شەكتەۋگە، وعان ۋاقىتشا تىيىم سالۋعا؛

23) قابىلداۋ- ءبولۋ جانە ارنايى قابىلداۋ ورىندارىندا ۇستالاتىن، پروفيلاكتيكالىق ەسەپتە تۇرعان ادامداردى كريميناليستىك ەسەپكە قويۋ ءۇشىن سۋرەتكە تۇسىرۋگە، داكتيلوسكوپيا جاساۋعا، دىبىس جازباسىن، كينو- جانە بەينە ءتۇسىرىلىمىن جۇرگىزۋگە؛

24) ج پ ق جۇمىسىن جاريا ەتۋ ءۇشىن بۇقارالىق اقپارات قۇرالدارىن تارتۋعا؛

25) دەربەس دەرەكتەردى جيناۋدى جانە وڭدەۋدى جۇزەگە اسىرۋعا؛

26) قازاقستان رەسپۋبليكاسىنىڭ زاڭدارىندا، قازاقستان رەسپۋبليكاسىنىڭ پرەزيدەنتى مەن قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە قۇقىقتاردى جۇزەگە اسىرۋعا قۇقىعى بار.

ج پ ق «قازاقستان رەسپۋبليكاسىنىڭ ىشكى ىستەر ورگاندارى تۋرالى» قازاقستان رەسپۋبليكاسىنىڭ 2014 -جىلعى 23 -ساۋىردەگى زاڭىنا سايكەس ءوز قۇزىرەتى شەگىندە:

1) ادامنىڭ جانە ازاماتتىڭ ءومىرىن، دەنساۋلىعىن، قۇقىقتارى مەن بوستاندىقتارىن قۇقىققا قارسى قولسۇعۋشىلىقتان قورعاۋعا؛

2) وقيعا تۋرالى، جاسالعان نەمەسە دايىندالىپ جاتقان قىلمىستىق نەمەسە اكىمشىلىك قۇقىق بۇزۋشىلىق تۋرالى وتىنىشتەردى نەمەسە حابارلامالاردى قابىلداۋعا، تىركەۋگە جانە قاراۋعا، زاڭنامادا بەلگىلەنگەن تارتىپپەن ءوتىنىش بەرۋشىگە قابىلدانعان شەشىم تۋرالى حابار بەرۋگە؛

3) قۇقىققا قارسى قولسۇعۋشىلىقتان، وقيعالاردان جانە جازاتايىم جاعدايلاردان زارداپ شەككەن، سونداي- اق وزدەرىنىڭ ءومىرى مەن دەنساۋلىعى ءۇشىن قاۋىپتى دارمەنسىز نە وزگە دە كۇيدەگى جەكە تۇلعالارعا كومەك كورسەتۋگە؛

4) قۇقىق بۇزۋشىلىق پروفيلاكتيكاسىنىڭ جالپى جانە جەكە شارالارىن جۇزەگە اسىرۋعا؛

5) پاترۋلدەۋدى جۇزەگە اسىرۋعا؛

6) جول ءجۇرىسى قاعيدالارىنىڭ جانە جول ءجۇرىسى قاۋىپسىزدىگىن قامتاماسىز ەتۋگە جاتاتىن نورماتيۆتەردىڭ ساقتالۋىن باقىلاۋدى جۇزەگە اسىرۋعا، جول ءجۇرىسىن رەتتەۋگە؛

7) اكىمشىلىك قۇقىق بۇزۋشىلىقتاردى انىقتاۋعا جانە جولىن كەسۋگە، اكىمشىلىك قۇقىق بۇزۋشىلىقتار تۋرالى ىستەر بويىنشا ءىس جۇرگىزۋدى جۇزەگە اسىرۋعا؛

8) قوعامدىق ورىنداردا ادامنىڭ قادىر- قاسيەتى مەن قوعامدىق يماندىلىقتى قورلايتىن ماساڭ كۇيدە جۇرگەن ادامداردى مەديتسينالىق ۇيىمدارعا نەمەسە ىشكى ىستەر ورگاندارىنا جەتكىزۋگە؛

9) سوت شەشىمىمەن تاعايىندالعان مەديتسينالىق سيپاتتاعى ماجبۇرلەۋ شارالارىنان جالتارىپ جۇرگەن ادامداردى ىزدەۋدى جۇزەگە اسىرۋعا، ولاردى ۇستاۋعا جانە ارناۋلى مەديتسينالىق مەكەمەلەرگە جەتكىزۋگە؛

10) ءۇش جاستان ون سەگىز جاسقا دەيىنگى كامەلەتكە تولماعان قاداعالاۋسىز قالعان بالالاردى، سونداي- اق اتا- اناسىنىڭ نەمەسە ولاردى الماستىراتىن ادامداردىڭ قامقورلىعىنسىز قالعان بالالاردى بەيىمدەۋ ورتالىقتارىنا جەتكىزۋگە؛

11) كوپشىلىك ءىس- شارالاردى وتكىزۋ كەزىندە قوعامدىق ءتارتىپتى ساقتاۋدى قامتاماسىز ەتۋگە؛

12) جاپپاي تارتىپسىزدىكتىڭ، توپتاسىپ باعىنباۋشىلىقتىڭ جولىن كەسۋگە؛

13) توتەنشە جاعدايلاردىڭ الدىن الۋ جانە ولاردى جويۋ، ءورت قاۋىپسىزدىگى جانە ازاماتتىق قورعانىس، توتەنشە نەمەسە سوعىس جاعدايى رەجيمىن قامتاماسىز ەتۋ جونىندەگى ءىس- شارالاردى جۇزەگە اسىرۋعا؛

14) شەتەلدىكتەر مەن ازاماتتىعى جوق ادامداردىڭ قازاقستان رەسپۋبليكاسىندا بولۋدىڭ جانە قازاقستان رەسپۋبليكاسىنىڭ اۋماعى ارقىلى ترانزيتپەن ءجۇرۋدىڭ بەلگىلەنگەن قاعيدالارىن ساقتاۋىن باقىلاۋعا؛

15) جەكە تۇلعالاردىڭ ازاماتتىق قارۋ مەن ونىڭ پاتروندارى اينالىمىنىڭ بەلگىلەنگەن قاعيدالارى ساقتاۋىن باقىلاۋدى جۇزەگە اسىرۋعا؛

16) تەرروريزمگە قارسى وپەراتسيالار مەن كۇزەت ءىس- شارالارىن جۇرگىزۋگە قاتىسۋعا؛

17) قىلمىستىق نەمەسە اكىمشىلىك قۇقىق بۇزۋشىلىقتار جاسايتىن ادامداردى ۇستاۋعا؛

18) قىلمىستىق قۇقىق بۇزۋشىلىقتار جاساۋعا ىقپال ەتەتىن سەبەپتەر مەن جاعدايلاردى انىقتاۋعا، ولاردى جويۋعا باعىتتالعان شارالار قولدانۋعا؛

19) قىلمىستىق ىستەر بويىنشا سوتقا دەيىنگى ءىس جۇرگىزۋدى جۇزەگە اسىرۋعا؛

20) قىلمىستىق ىستەر بويىنشا سوتقا دەيىنگى ءىس جۇرگىزۋ بارىسىندا سوت اكتىلەرىن، سۋديالاردىڭ تالاپتارىن، پروكۋروردىڭ قاۋلىلارىن، نۇسقامالارىن جانە تالاپتارىن ورىنداۋعا؛

21) اتقارۋشىلىق قۇجاتتاردى ماجبۇرلەپ ورىنداتۋدا سوت ورىنداۋشىلارىنا كومەك كورسەتۋگە؛

22) ادامداردى ىشكى ىستەر ورگاندارىنىڭ قابىلداۋ- ءبولۋ جانە ارنايى كابىلداۋ مەكەمەلەرىندە ۇستاۋعا، ولاردى كۇزەتۋدى قامتاماسىز ەتۋگە؛

23) ىشكى ىستەر ورگاندارىنىڭ قابىلداۋ- ءبولۋ جانە ارنايى قابىلداۋ ورىندارىندا ۇستالاتىن ادامداردىڭ سانيتاريالىق- ەپيدەميولوگيالىق سالاماتتىلىعىن جانە دەنساۋلىعىن ساقتاۋدى قامتاماسىز ەتۋگە؛

24) مەملەكەتتىك قۇپيالاردى قۇرايتىن مالىمەتتەردى قورعاۋدى جانە قۇپيالىلىق رەجيمىنىڭ ساقتالۋىن ۆەدومستۆولىق باقىلاۋدى قامتاماسىز ەتۋگە؛

25) اقپاراتتىق قاۋىپسىزدىك تالاپتارىن ساقتاۋدى قامتاماسىز ەتۋگە؛

26) دەربەس دەرەكتەردى قورعاۋدى قامتاماسىز ەتۋگە؛

27) قازاقستان رەسپۋبليكاسىنىڭ زاڭدارىندا، قازاقستان رەسپۋبليكاسىنىڭ پرەزيدەنتى مەن قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە مىندەتتەردى جۇزەگە اسىرۋعا مىندەتتى.

3. ج پ ق جۇمىسىن ۇيىمداستىرۋ

11. ج پ ق اۋماقتىق ىشكى ىستەر ورگاندارىنىڭ قۇرىلىمدىق بولىمشەسى بولىپ تابىلادى، ونىڭ قۇزىرەتىنە قۇقىق بۇزۋشىلىق پروفيلاكتيكاسى، قوعامدىق ءتارتىپتى ساقتاۋ، جول ءجۇرىسى قاۋىپسىزدىگىن قامتاماسىز ەتۋ، قىلمىستىق قۇقىق بۇزۋشىلىقتىڭ الدىن الۋ جانە جولىن كەسۋ ماسەلەلەرى جاتادى.

12. جەرگىلىكتى پوليتسيا قىزمەتىنىڭ باستىعى ج پ ق كۇشتەرى مەن قۇرالدارىنا باسشىلىق ەتۋدى جۇزەگە اسىرادى، ول ج پ ق جۇكتەلگەن مىندەتتەردى ورىنداۋعا جانە ونىڭ ءوز فۋنكتسيالارىن جۇزەگە اسىرۋعا دەربەس جاۋاپتىلىقتا بولادى.

13. ج پ ق (وبلىستىڭ، رەسپۋبليكالىق ماڭىزى بار قالانىڭ، استانانىڭ، اۋداننىڭ، قالانىڭ، قالاداعى اۋداننىڭ) باستىعىن ءتيىستى ءماسليحاتتىڭ كەلىسىمىمەن وبلىستىڭ، رەسپۋبليكالىق ماڭىزى بار قالانىڭ، استانانىڭ اكىمى لاۋازىمعا تاعايىندايدى جانە لاۋازىمنان بوساتادى.

وبلىستىڭ، رەسپۋبليكالىق ماڭىزى بار قالانىڭ، استانانىڭ ج پ ق باستىعىنىڭ لاۋازىمىنا كانديداتۋرانى قازاقستان رەسپۋبليكاسىنىڭ ىشكى ىستەر ءمينيسترى، اۋداننىڭ (قالانىڭ، قالاداعى اۋداننىڭ) ج پ ق باستىعى لاۋازىمىنا - وبلىستىڭ، رەسپۋبليكالىق ماڭىزى بار قالانىڭ، استانانىڭ ج پ ق باستىعى ۇسىنادى.

ج پ ق باستىقتارىنىڭ لاۋازىمدارىنا كانديداتتار قازاقستان رەسپۋبليكاسى ىشكى ىستەر مينيسترلىگى بەكىتكەن بىلىكتىلىك تالاپتارىنا سايكەس ىشكى ىستەر ورگاندارىنىڭ كادرلىق رەزەرۆىندە تۇرعان پوليتسيا قىزمەتكەرلەرىنىڭ قاتارىنان ۇسىنىلادى.

14. وبلىستىڭ، رەسپۋبليكالىق ماڭىزى بار قالانىڭ، استانانىڭ ج پ ق باستىعىن كەلىسۋ جانە تاعايىنداۋ ءتارتىبى:

1) ىشكى ىستەر ءمينيسترى وبلىستىڭ، رەسپۋبليكالىق ماڭىزى بار قالانىڭ، استانانىڭ اكىمىنە وبلىستىڭ، رەسپۋبليكالىق ماڭىزى بار قالانىڭ، استانانىڭ ج پ ق باستىعى لاۋازىمىنا كانديداتتى تاعايىنداۋ تۋرالى ۇسىنىس ەنگىزەدى؛

2) اكىم قازاقستان رەسپۋبليكاسىنىڭ ىشكى ىستەر ءمينيسترى ۇسىنعان كانديداتۋرانى ماقۇلداعان جاعدايدا، بەس جۇمىس كۇنى ىشىندە وبلىستىڭ، رەسپۋبليكالىق ماڭىزى بار قالانىڭ، استانانىڭ ءتيىستى ءماسليحاتىنىڭ سەسسياسىنا ونى كەلىسۋ تۋرالى ۇسىنىس ەنگىزەدى، باس تارتقان جاعدايدا - باس تارتۋ سەبەپتەرىن نەگىزدەي وتىرىپ، قابىلدانعان شەشىم تۋرالى ىشكى ىستەر مينيسترىنە حابار بەرەدى؛

3) ءماسليحاتتىڭ وڭ شەشىمى الىنعان كەزدە وبلىستىڭ، رەسپۋبليكالىق ماڭىزى بار قالانىڭ، استانانىڭ اكىمى ج پ ق باستىعىنىڭ لاۋازىمىنا تاعايىنداۋ تۋرالى وكىمدى ەكى دانادا شىعارادى. وكىمنىڭ ەكىنشى داناسى ىشكى ۆەدومستۆولىق راسىمدەر جۇرگىزۋ ءۇشىن ءبىر تاۋلىك ىشىندە قازاقستان رەسپۋبليكاسىنىڭ ىشكى ىستەر مينيسترلىگىنىڭ اتىنا جىبەرىلەدى. ءماسليحات ۇسىنىلعان كانديداتۋرانى كەلىسۋدەن باس تارتقان كەزدە وبلىستىڭ، رەسپۋبليكالىق ماڭىزى بار قالانىڭ، استانانىڭ اكىمى ءماسليحات شەشىمى شىعارىلعان كەزدەن باستاپ بەس جۇمىس كۇنى ىشىندە باس تارتۋ سەبەپتەرىن نەگىزدەي وتىرىپ، ىشكى ىستەر مينيسترىنە حابار بەرەدى.

15. اۋداننىڭ (قالانىڭ، قالاداعى اۋداننىڭ) ج پ ق باستىعىن كەلىسۋ جانە تاعايىنداۋ ءتارتىبى:

1) وبلىستىڭ، رەسپۋبليكالىق ماڭىزى بار قالانىڭ، استانانىڭ ج پ ق باستىعى وبلىستىڭ، رەسپۋبليكالىق ماڭىزى بار قالانىڭ، استانانىڭ اكىمىنە اۋداننىڭ (قالانىڭ، قالاداعى اۋداننىڭ) ج پ ق باستىعىنىڭ لاۋازىمىنا كانديداتتى تاعايىنداۋ تۋرالى ۇسىنىس ەنگىزەدى؛

2) وبلىستىڭ، رەسپۋبليكالىق ماڭىزى بار قالانىڭ، استانانىڭ اكىمى وبلىستىڭ، رەسپۋبليكالىق ماڭىزى بار قالانىڭ، استانانىڭ ج پ ق باستىعى ۇسىنعان كانديداتۋرانى ماقۇلداعان جاعدايدا، بەس جۇمىس كۇنى ىشىندە اۋداننىڭ (قالانىڭ، قالاداعى اۋداننىڭ) ءتيىستى ءماسليحاتىنىڭ سەسسياسىنا ونى كەلىسۋ تۋرالى ۇسىنىس ەنگىزەدى، باس تارتقان جاعدايدا - باس تارتۋ سەبەپتەرىن نەگىزدەي وتىرىپ، قابىلدانعان شەشىم تۋرالى وبلىستىڭ، رەسپۋبليكالىق ماڭىزى بار قالانىڭ، استانانىڭ ج پ ق باستىعىنا حابار بەرەدى؛

ءتيىستى اكىمشىلىك- اۋماقتىق بىرلىكتە ءماسليحات قۇرىلماعان جاعدايدا ۇسىنىس كەلەسى جوعارى تۇرعان دەڭگەيدەگى ءماسليحاتتىڭ قاراۋىنا ەنگىزىلەدى؛

3) ءماسليحاتتىڭ وڭ شەشىمى الىنعان كەزدە وبلىستىڭ، رەسپۋبليكالىق ماڭىزى بار قالانىڭ، استانانىڭ اكىمى اۋداننىڭ (قالانىڭ، قالاداعى اۋداننىڭ) ج پ ق باستىعىنىڭ لاۋازىمىنا تاعايىنداۋ تۋرالى وكىمدى ەكى دانادا شىعارادى. وكىمنىڭ ەكىنشى داناسى ىشكى ۆەدومستۆولىق راسىمدەر جۇرگىزۋ ءۇشىن ءبىر جۇمىس كۇنى ىشىندە ىشكى ىستەر دەپارتامەنتىنىڭ اتىنا جىبەرىلەدى. ءماسليحات ۇسىنىلعان كانديداتۋرانى كەلىسۋدەن باس تارتقان كەزدە وبلىستىڭ، رەسپۋبليكالىق ماڭىزى بار قالانىڭ، استانانىڭ اكىمى ءماسليحات شەشىمى شىعارىلعان كەزدەن باستاپ بەس جۇمىس كۇنى ىشىندە وبلىستىڭ، رەسپۋبليكالىق ماڭىزى بار قالانىڭ، استانانىڭ ج پ ق باستىعىنا حابار بەرەدى.

16. ءماسليحات سەسسياسىن جۇرگىزۋ ءتارتىبى «قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ءوزىن- ءوزى باسقارۋ تۋرالى» 2001 -جىلعى 23 -قاڭتارداعى قازاقستان رەسپۋبليكاسىنىڭ زاڭىندا رەگلامەنتتەلەدى.

17. وبلىستار، رەسپۋبليكالىق ماڭىزى بار قالا، استانا اكىمدەرىنىڭ ج پ ق باستىقتارىنىڭ لاۋازىمدارىنا كانديداتۋرالاردى قاراۋدىڭ جالپى مەرزىمى ىشكى ىستەر ورگاندارىنىڭ ۇسىنىسى اكىمدىككە تۇسكەن كەزدەن باستاپ كۇنتىزبەلىك وتىز كۇننەن اسپايدى.

18. ج پ ق باستىعىنىڭ لاۋازىمى اۋماقتىق ىشكى ىستەر ورگانى باستىعىنىڭ ورىنباسارى لاۋازىمىنا تەڭەستىرىلەدى.

19. ج پ ق باستىعىنىڭ لاۋازىمىندا بولۋ مەرزىمى تاعايىندالعان كەزدەن باستاپ بەس جىلدان اسپاۋعا ءتيىس.

20. ىشكى ىستەر ورگاندارىنىڭ جەرگىلىكتى پوليتسيا قىزمەتى باسشىلارىنىڭ لاۋازىمدا بولۋ مەرزىمىن تيىسىنشە ىشكى ىستەر ءمينيسترىنىڭ، وبلىس، رەسپۋبليكالىق ماڭىزى بار قالا، استانا ج پ ق باسشىسىنىڭ ۇسىنۋى بويىنشا ءتيىستى ءماسليحاتتىڭ كەلىسىمىمەن وبلىستىڭ، رەسپۋبليكالىق ماڭىزى بار قالانىڭ، استانانىڭ اكىمى ۇزارتۋى مۇمكىن.

21. ج پ ق باستىقتارى «قۇقىق قورعاۋ قىزمەتى تۋرالى» 2011 -جىلعى 6 -قاڭتارداعى قازاقستان رەسپۋبليكاسىنىڭ زاڭىندا جانە «قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ءوزىن- ءوزى باسقارۋ تۋرالى» 2001 -جىلعى 23 -قاڭتارداعى قازاقستان رەسپۋبليكاسىنىڭ زاڭىندا بەلگىلەنگەن ەرەكشەلىكتەرگە سايكەس تارتىپتىك جاۋاپتىلىقتا بولادى.

22. اكىم جانە (نەمەسە) ءماسليحات ج پ ق باستىعىنىڭ جۇمىسىن تارتىپتىك جازالاۋ شاراسى رەتىندە اتقارىپ وتىرعان لاۋازىمىنان بوساتۋعا اكەپ سوقتىراتىن قاناعاتتانارلىقسىز دەپ تانىعان جاعدايدا، وبلىستىڭ، رەسپۋبليكالىق ماڭىزى بار قالانىڭ، استانانىڭ اكىمى ج پ ق باستىعىنىڭ لاۋازىمىندا ودان ءارى بولۋ تۋرالى ماسەلەنى ىشكى ىستەر ورگاندارىنىڭ تارتىپتىك كوميسسياسىندا قاراۋ ءۇشىن تيىسىنشە ىشكى ىستەر مينيسترىنە، وبلىستىڭ، رەسپۋبليكالىق ماڭىزى قالانىڭ، استانانىڭ ج پ ق باستىعىنا حابار بەرەدى.

تارتىپتىك كوميسسيانىڭ شەشىمى ءۇش كۇن مەرزىمدە وبلىستىڭ، رەسپۋبليكالىق ماڭىزى بار قالانىڭ، استانانىڭ اكىمىنە جولدانادى.

23. ج پ ق باستىقتارىن قىزمەتتەن بوساتۋ «قۇقىق قورعاۋ قىزمەتى تۋرالى» 2011 -جىلعى 6 -قاڭتارداعى قازاقستان رەسپۋبليكاسىنىڭ زاڭىندا ايقىندالعان تارتىپپەن جۇزەگە اسىرىلادى.

24. ج پ ق قۇرامىنا كىرەتىن بولىمشەلەردىڭ قىزمەتكەرلەرىن تاعايىنداۋ قازاقستان رەسپۋبليكاسىنىڭ قۇقىق قورعاۋ قىزمەتى جانە قازاقستان رەسپۋبليكاسى ىشكى ىستەر ورگاندارىنىڭ قىزمەتى سالاسىنداعى زاڭناماسىندا بەلگىلەنگەن تارتىپپەن جۇزەگە اسىرىلادى.

25. جەرگىلىكتى پوليتسيا قىزمەتىنىڭ بولىمشەلەرىندە ءتارتىپتىڭ، زاڭدىلىقتىڭ جانە سىبايلاس جەمقورلىققا قارسى ءىس- قيمىلدىڭ جاي- كۇيىن باقىلاۋدى جۇزەگە اسىرۋدى ىشكى ىستەر ورگاندارىنىڭ اۋماقتىق وزىندىك قاۋىپسىزدىك بولىمشەلەرى قامتاماسىز ەتەدى.

26. داعدارىستىق، تابيعي، الەۋمەتتىك نەمەسە تەحنوگەندىك سيپاتتاعى توتەنشە جاعدايلار تۋىنداعان جاعدايدا اۋماقتىق ىشكى ىستەر ورگاندارىنىڭ باستىقتارى ج پ ق بولىمشەلەرىڭ باسشىلىق ەتۋدى قازاقستان رەسپۋبليكاسىنىڭ ىشكى ىستەر مينيسترلىگىنىڭ ۇيلەستىرۋىمەن جۇزەگە اسىرادى.

27. ءتيىستى اكىمشىلىك- اۋماقتىق بىرلىكتىڭ اكىمى ج پ ق قىزمەتىن ۇيىمداستىرۋ ماقساتىندا قازاقستان رەسپۋبليكاسىنىڭ زاڭناماسىنا سايكەس ءوز قۇزىرەتى شەگىندە:

1) ج پ ق قارجىلاندىرۋدى، ونىڭ ىشىندە ماتەريالدىق- تەحنيكالىق جاراقتاۋدى قامتاماسىز ەتەدى؛

2) ءتيىستى اۋماقتا قوعامدىق ءتارتىپ پەن قاۋىپسىزدىكتى ساقتاۋدى ۇيىمداستىرادى جانە ونىڭ جاي- كۇيىنە جاۋاپتىلىقتا بولادى؛

3) ماسليحاتپەن بىرلەسىپ، جىلىنا ەكى رەتتەن سيرەتپەي ج پ ق باستىعىنىڭ ءتيىستى ەسەپتەرىن تىڭدايدى جانە ونىڭ قىزمەتىن باعالايدى؛

4) ازاماتتاردى قوعامدىق ءتارتىپتى ساقتاۋعا تارتۋ جونىندە شارالار قابىلدايدى؛

5) قۇقىق بۇزۋشىلىق پروفيلاكتيكاسى سۋبەكتىلەرىنىڭ قىزمەتىن ۇيلەستىرۋدى جۇزەگە اسىرادى؛

6) قوعامدىق ءتارتىپتى ساقتاۋ، جول قاۋىپسىزدىگى، قۇقىق بۇزۋشىلىقتاردىڭ پروفيلاكتيكاسى، تۇرمىستىق، رەتسيديۆتىك جانە جاسوسپىرىمدەر قىلمىستىلىعى سالاسىندا ءتيىستى اۋماقتى دامىتۋ باعدارلاماسىنىڭ نىسانالى ينديكاتورلارىنا قول جەتكىزۋگە جاۋاپتىلىقتا بولادى؛

7) جەرگىلىكتى پوليتسيا قىزمەتىنىڭ الدىندا ءتيىستى اكىمشىلىك- اۋماقتىق بىرلىكتىڭ اۋماعىندا قۇقىقتىق ءتارتىپتى قامتاماسىز ەتۋ جونىندەگى مىندەتتەر قويادى، ونىڭ ورىندالۋىن باقىلايدى.

28. ج پ ق قىزمەتكەرلەرىن قازاقستان رەسپۋبليكاسىنىڭ زاڭناماسىندا كوزدەلمەگەن مىندەتتەردى ورىنداۋعا تارتۋعا جول بەرىلمەيدى.

29. بۇزىلعان نەمەسە داۋ ايتىلاتىن قۇقىقتاردى، بوستاندىقتاردى جانە زاڭمەن قورعالاتىن مۇددەلەردى قورعاۋ سوت تارتىبىمەن جۇزەگە اسىرىلادى.

30. ج پ ق باستىعىنىڭ وكىلەتتىكتەرى:

1) ج پ ق قىزمەتكەرلەرىنىڭ ورىنداۋى ءۇشىن مىندەتتى نۇسقاۋلار، وكىمدەر بەرەدى، ءوز قۇزىرەتى شەگىندە ىشكى ىستەر ورگاندارىنىڭ اتىنان بۇيرىقتار شىعارادى؛

2) اكىمشىلىك قۇقىق بۇزۋشىلىق تۋرالى ىستەردى قارايدى، اكىمشىلىك جازالاۋدى قولدانادى، قىلمىستىق تەرىس قىلىقتار بويىنشا حاتتامالىق نىساندا سوتقا دەيىنگى تەرگەپ- تەكسەرۋ بويىنشا پروتسەستىك قۇجاتتاردى ماقۇلدايدى؛

3) ج پ ق قۇرىلىمدىق بولىمشەلەرى تۋرالى ەرەجەنى جانە ج پ ق قىزمەتكەرلەرىنىڭ لاۋازىمدىق نۇسقاۋلىقتارىن بەكىتەدى؛

4) ج پ ق قۇرىلىمدىق بولىمشەلەرىنىڭ قىزمەتكەرلەرى اراسىندا تاربيە جۇمىسىن ۇيىمداستىرادى، ولاردىڭ ءتارتىپتى، زاڭدىلىقتى، قۇپيالىلىق رەجيمدى ساقتاۋىن جانە كاسىپتىك دەڭگەيىن ارتتىرۋدى قامتاماسىز ەتەدى؛

5) وبلىستىڭ، رەسپۋبليكالىق ماڭىزى بار قالانىڭ، استانانىڭ اكىمىنە اۋداننىڭ، قالاداعى اۋداننىڭ، وبلىستىق ماڭىزى بار قالانىڭ ج پ ق باستىقتارىن تاعايىنداۋ تۋرالى ۇسىنىس ەنگىزەدى؛

6) ازاماتتاردى قابىلداۋدى جۇزەگە اسىرادى، شاعىمدار مەن ارىزداردى قارايدى، ولار بويىنشا شەشىم قابىلدايدى، ءتارتىپ پەن زاڭدىلىقتىڭ بۇزىلۋ فاكتىلەرى بويىنشا قىزمەتتىك تەكسەرۋدى تاعايىندايدى؛

7) ج پ ق- داعى سىبايلاس جەمقورلىققا قارسى ءىس- قيمىلعا باعىتتالعان شارالار قابىلدايدى جانە سىبايلاس جەمقورلىققا قارسى شارالاردىڭ ىسكە اسىرىلۋىنا جاۋاپتىلىقتا بولادى؛

8) ج پ ق قىزمەتكەرلەرى جاساعان تارتىپتىك تەرىس قىلىقتار بويىنشا قىزمەتتىك تەكسەرۋلەردى بەكىتەدى؛

9) جىلىنا ەكى رەتتەن سيرەتپەي وكىلدى جانە اتقارۋشى ورگاندار الدىندا، جىلىنا ءبىر رەت حالىق الدىندا ەسەپ بەرەدى؛

10) ءوز ورىنباسارلارىنىڭ وكىلەتتىكتەرىن ايقىندايدى؛

11) قازاقستان رەسپۋبليكاسىنىڭ زاڭناماسىنا سايكەس وزگە دە وكىلەتتىكتەردى جۇزەگە اسىرادى.

31. ج پ ق باستىعى بولماعان كەزەڭدە ونىڭ وكىلەتتىكتەرىن ورىنداۋدى ونى الماستىراتىن ادام جۇزەگە اسىرادى.

4. ج پ ق قايتا ۇيىمداستىرۋ جانە تاراتۋ

32. قازاقستان رەسپۋبليكاسىنىڭ ىشكى ىستەر ءمينيسترى ج پ ق قايتا ۇيىمداستىرۋدى جانە تاراتۋدى «قازاقستان رەسپۋبليكاسىنىڭ ىشكى ىستەر ورگاندارى تۋرالى» 2014 -جىلعى 23 ساۋىردەگى قازاقستان رەسپۋبليكاسىنىڭ زاڭىنا سايكەس جۇزەگە اسىرادى.