ق. توقايەۆ: ءماجىلىستىڭ ۇندەۋى قازاقستاننىڭ كەلەشەگى ءۇشىن دەپۋتاتتاردىڭ جوعارى جاۋاپكەرشىلىگىن كورسەتەدى

استانا. قازاقپارات - ق ر پارلامەنتى ءماجىلىسى دەپۋتاتتارىنىڭ پارلامەنت ءماجىلىسى مەن بارلىق دەڭگەيدەگى ءماسليحات دەپتۋاتتارىنىڭ كەزەكتەن تىس سايلاۋىن وتكىزۋ تۋرالى ۇندەۋى قازاقستاننىڭ كەلەشەگى ءۇشىن دەپۋتاتتاردىڭ جوعارى جاۋاپكەرشىلىگىن كورسەتەدى، دەگەن پىكىرىن ءبىلدىردى ءوز سۇحباتىندا سەنات ءتوراعاسى قاسىم- جومارت توقايەۆ.

 - قاسىم- جومارت كەمەل ۇلى، ءماجىلىستىڭ مەرزىمىنەن تىس پارلامەنتتىك سايلاۋ وتكىزۋ تۋرالى ۇندەۋىنە پارلامەنتتىڭ جوعارعى پالاتاسىنىڭ ءتوراعاسى رەتىندە ءسىزدىڭ كوزقاراسىڭىزدى بىلگىمىز كەلەدى.

 - ارىپتەستەرىمىزدىڭ، ءماجىلىس دەپۋتاتتارىنىڭ باستاماسىن تولىقتاي قولدايمىن. بۇل ولاردىڭ ەلىمىزدىڭ كەلەشەگىنە دەگەن جوعارى ساياسي جاۋاپكەرشىلىگىن كورسەتەدى. پارلامەنتتىڭ دە، ۇكىمەتتىڭ دە الدىندا ەلباسى ۇسىنعان مازمۇنى بىرەگەي ستراتەگيا - «ۇلت جوسپارىن» جۇزەگە اسىرۋ بويىنشا جۇمىستى ۇيلەسىمدى تۇردە جالعاستىرۋ مىندەتى تۇر.

 حالىقارالىق احۋال شيەلەنىسىپ، الەمدىك نارىق مىڭ قۇبىلىپ تۇرعان بۇگىنگى جاعدايدا ىشكى ساياسي تۇراقتىلىقتىڭ ءمان- ماڭىزى ارتا تۇسەدى. ءتىپتى، الپاۋىت ەلدىڭ باسشىسى وباما دا تاياۋدا حالىققا ارناعان ۇندەۋىندە بۇگىنگى دۇربەلەڭگە تولى دۇنيەدە قاتەرلى قايشىلىقتار تۋىنداعاندا جەدەل جانە كەلىسىلگەن شەشىم قابىلداۋ ءۇشىن ا ق ش- تىڭ بۇكىل ساياسي جۇيەسىن «جوندەۋگە» شاقىردى. ال، ءبىزدىڭ ەلباسىمىز ەكونوميكالىق وسىمگە قول جەتكىزۋ ءۇشىن قوعامداعى ىنتىماق پەن كەلىسىم تۇجىرىمداماسىن باياعىدا- اق جاريا ەتىپ قويعانى بەلگىلى. بۇگىندە الەم بۇل ستراتەگيانى «قازاقستاندىق جول» رەتىندە بىلەدى.

- ءبىراق الەمدى جايلاعان داعدارىس قازاقستانعا دا اسەرىن تيگىزۋدە. بۇل جاعدايدان ەلىمىز از شىعىنمەن شىعا الا ما؟

 - نەگىزىنەن حالىقارالىق ارەناداعى قايشىلىقتاردان تۋىنداعان داعدارىستى ءبىزدىڭ ەلىمىز ءسوزسىز ەڭسەرىپ شىعاتىنىنا مەن كامىل سەنەمىن. وسىنداي سىن ساتتە ەلباسىنىڭ توڭىرەگىندە مىزعىماستاي توپتاسىپ، جاھاندىق دەڭگەيدەگى ساياساتتى ۇستانۋىمىز - ءبىز كوزدەگەن تابىستىڭ كەپىلى بولىپ تابىلادى. داعدارىستار وتەدى دە كەتەدى، ال حالىق بىرلىگى - بۇل ماڭگىلىك قۇندىلىق.

 داعدارىس - كۇردەلى سىناق بولعانىمەن، بۇل جاڭا مۇمكىندىكتەردىڭ دە ۋاقىتى، ءارى ول بولاشاقتا وڭ شەشىمدەر قابىلداۋ ءۇشىن ەكونوميكالىق دامۋداعى ولقىلىقتاردى سىني كوزقاراسپەن تالداۋعا ىقپال ەتەدى. ۇكىمەتتە ءارتۇرلى جاعدايلاردىڭ الدىن الۋ ءۇشىن ءبىرقاتار داعدارىسقا قارسى شارالار جوسپارىنىڭ بارى قۋانتادى. سەنات اتقارۋشى بيلىكتىڭ وسى شارالارىن ىسكە اسىرۋعا زاڭنامالىق تۇرعىدا جاردەم بەرەتىن بولادى. مەنىڭ ويىمشا، قازىرگى جاعدايدا ءبىز حالىقارالىق رەيتينگكە قول جەتكىزۋدى ەمەس، الەۋمەتتىك مىندەتتەمەلەردى ورىنداۋعا، ەكونوميكانى ءارتاراپتاندىرۋعا، سايىپ كەلگەندە ەلباسىنىڭ «ۇلت جوسپارىنان» تۋىندايتىن قازاقستاننىڭ كۇش- قۋاتىن نىعايتۋعا باعىتتالعان ناقتى ناتيجەلەردى باستى نازارعا الۋىمىز قاجەت.

   

اۆتور: سەرىك قاراجان