قازاقستاندىق كاسىپقوي بوكسشى الماتىدا جەكپە- جەك وتكىزەدى

استانا. قازاقپارات - قازاقستاندىق كاسىپقوي بوكسشى ايدوس ەربوسىن ۇلى سپورتتىق مانسابىنداعى ءۇشىنشى جەكپە-جەگىن الماتى قالاسىندا وتكىزەتىن بولدى. بۇل تۋرالى بوكسشىنىڭ «ۆكونتاكتە» جەلىسىندەگى پاراقشاسى حابارلاپ وتىر.

ايدوس ەربوسىن ۇلى 2015 -جىلى كاسىپقوي بوكسقا اۋىسقان ەدى. وسىعان دەيىن ەكى جەكپە- جەك وتكىزىپ، ەكەۋىن دە مەزگىلىنەن بۇرىن اياقتاعان بولاتىن. 72,6 كەلى سالماق دارەجەسىندە شارشى الاڭعا شىعاتىن وتانداسىمىز 30 -قاڭتار كۇنى رەسەيلىك دميتريي انتيپوۆپەن جۇدىرىقتاسادى. ول وسىعان دەيىن 10 كەزدەسۋ وتكىزىپ، تورتەۋىندە عانا جەڭىسكە جەتكەن. 6 جەكپە- جەگىندە جەڭىلىس تاپقان.

ايدوس ەربوسىن ۇلى مەن دميتري انتيپوۆ اراسىنداعى جەكپە- جەك 6 راۋندقا جوسپارلانعان. الماتىداعى وتەتىن ورنى حابارلانعان جوق.

ايتا كەتەيىك، قازاقستاندىق بوكسشىنىڭ كاسىپقوي رينگتەگى جەكپە-جەكتەرىن "Fight Promotions" پروموۋتەرلىك كومپانياسى ۇيىمداستىرادى. بۇگىندە بۇل كومپانيا كەلىسىمشارتى بويىنشا قازاقستاندىق تاعى ءبىر بوكسشى داۋرەن ەلەۋسىنوۆ تە كاسىپقوي بوكس ارەناسىندا باق سىناپ ءجۇر.

Massaget.kz