08:08, 16 - قاڭتار 2016 | GMT +5
الماتىدا سپورت كوممەنتاتورلارىن دايىندايتىن العاشقى ورتالىق اشىلادى
استانا. قازاقپارات - الماتىدا سپورت جۋرناليستەرى مەن كوممەنتاتورلارىن دايارلاۋ مەكتەبى ءوز جۇمىسىن باستايدى دەپ حابارلايدى NUR. KZ.
«سپورت جۋرناليستەرى مەن كوممەنتاتورلاردى دايارلاۋ ماقساتىندا اشىلعان ورتالىقتاعى كۋرس اپتاسىنا ەكى رەت، ەكى اي بويى وتكىزىلەدى»، - دەپ مالىمدەدى جوبا جەتەكشىلەرىنىڭ ءبىرى، تانىمال سپورت كوممەنتاتورى راۋان وقاس.
«تالىمگەرلەر تەوريا مەن پراكتيكا جۇزىندە ونلاين سپورت جۋرناليستيكاسى، باسپا ءسوز بەن تەلەارنالارداعى سپورت جۋرناليستيكاسى جانە سپورت كوممەنتاتورلىعىنىڭ قىر-سىرىن ۇيرەنەدى. ەكى ايلىق دارىستەن كەيىن تالىمگەرلەر ب ا ق- تا 10 كۇندىك تاجىريبەدەن وتەدى. سونىمەن قاتار، كۋرس بىتىرگەنى تۋرالى سەرتيفيكاتقا، سپورتتىق سىيلىقتارعا يە بولادى»، - دەيدى جوبا ۇيىمداستىرۋشىلارى.
تالىمگەرلەرگە ەلىمىزگە تانىمال سپورت كوممەنتاتورلارى ەسەي جەڭىس ۇلى، ەرجان كوشكىنباي، ەرمۇحامەد ماۋلەن، راۋان وقاس، رۋسلان مەدەلبەكتەر ءدارىس وتكىزەدى.
