الماتىدا بەلگىلى وپەرا انشىلەرى تەگىن كونسەرت وتكىزەدى
كونسەرت وتكىزىلەتىن «MEGA Alma-Ata» ساۋدا ويىن- ساۋىق ورتالىعىنىڭ باسپا ءسوز قىزمەتىنىڭ حابارلاۋىنشا، باعدارلامادا الەمدىك جانە ۇلتتىق كلاسسيكانىڭ التىن قورىنا ەنگەن كومپوزيتورلار: گ. دونيسەتتي، د. پۋچچيني، ف. لەگار، ي. شتراۋس، د. روسسيني، س. مۇحامەدجانوۆ جانە ە. برۋسيلوۆسكيدىڭ وپەرا جانە وپەرەتتالارىنان دۋەتتەر پەن اريالار ورىندالادى.
الەمدىك كلاسسيكا جاۋھارلارىن اباي اتىنداعى قازاق مەملەكەتتىك اكادەميالىق وپەرا جانە بالەت تەاترىنىڭ سوليستەرى، قازاقستان رەسپۋبليكاسىنىڭ ەڭبەك سىڭىرگەن قايراتكەرلەرى: دينا دۇتماعامبەتوۆا، بولات جومارتوۆ، ق ر مەملەكەتتىك سىيلىعىنىڭ لاۋرەاتى تالعات كۇزەمبايەۆ، سوليستتەر: ۆەنەرا الپىسبايەۆا، اناستاسيا كوجۋحاروۆا، تورعىن سمايلوۆا، دانا تالاسپەكوۆا، يلونا تەن، حاليد نۇراليەۆ، دارحان جولدىبايەۆ، بولات قاناعاتوۆ جانە ماقسات ماقۇلبەكوۆ ءان شىرقايدى.
كونسەرتتىڭ اۆتورى مەن فورتەپيانو پارتياسى - ق ر ەڭبەك سىڭىرگەن قايراتكەرى گۇلنار ءجىدىلوۆا. جۇرگىزۋشىسى - ەكاتەرينا چەنتسوۆا.
ايتا كەتەلىك، «الەمدىك كلاسسيكا جاۋھارلارى» كونسەرتىنىڭ باعدارلاماسىندا ە. برۋسيلوۆسكيدىڭ «قىز جىبەك»، د. ۆەرديدىڭ «ريگولەتتو»، د. روسسينيدىڭ «سەۆيليالىق شاشتاراز»، د. پۋچچينيدىڭ «توسكا»، ج. بيزەنىڭ «كارمەن» جانە «ءىنجۋ ىزدەۋشى» وپەرالارى مەن ف. لەگاردىڭ «جايدارى جەسىر ايەل» جانە ي. شتراۋستىڭ «جارقانات» وپەرەتتالارىنان دۋەتتەر مەن اريالار ورىندالدى.
اۆتور: جاپپاربەرگەن ايبوتا
