قازاقستاندىق سىمباتتى تەلەجۇرگىزۋشىلەر

استانا. قازاقپارات - بۇل جىگىتتەردى ەلىمىزدىڭ بارلىق تۇرعىندارى تانيدى. مىڭداعان قازاقستاندىقتار وسى سىمباتتى تەلەجۇرگىزۋشىلەر ارقاسىندا ەكران الدىندا ولاردى ۇيىپ تىڭدايدى.

قىزداردىڭ جۇرەك قاعىسىن جيىلىتەتىن، وتاندىق تەليەۆيزيادا قىزمەت جاسايتىن ەڭ ادەمى ەر ادامداردىڭ توپتاماسىن نازارلارىڭىزعا ۇسىنامىز.

 

تالعات المانوۆ

تالعات ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىن «ەسەپ جانە اۋديت» ماماندىعى بويىنشا بىتىرگەن. تەليەۆيزيا سالاسىمەن ستۋدەنتتىك كۇندەرىنەن بەرى تانىس. وسى سالامەن اينالىسۋدى باستاپ، وعان قىزىعىپ، كەيىن ءومىرى سوعان تىعىز بايلانىستى بولىپ كەتتى.

2010 -جىلى تەلەجوباعا شاقىرتۋ الدى. مۇندا تالعات ءوزى سيۋجەت قۇردى، ءماتىن جازدى، ماتەريالداردى رەداكسيالاپ، وڭدەۋدەن وتكىزدى. قازاق تەليەۆيزياسىندا كوپتەگەن تالانتتى جاستار قىزمەت اتقارعاندىقتان، ونىڭ بولاشاعى زور دەپ سەنەدى. جاستاردىڭ بارلىعى الدارىنا ماقسات قويۋدى عانا بىلمەيدى، سونىمەن قاتار ولاردى جۇزەگە اسىرۋدان دا حاباردار. دالەل رەتىندە ءوزىنىڭ «حابار» تەلەارناسىنىڭ جاڭالىقتار قىزمەتىندە جۇمىس جاساۋ تۋرالى ارمانىن ورىنداعاندىعى جونىندە مالىمدەدى.

 

نۇرسۇلتان قۇرمان

نۇرسۇلتان قۇرمان وڭتۇستىك قازاقستان وبلىسىنىڭ وتىرار اۋدانىنان. 6-سىنىپتا وقىپ جۇرگەن كەزدە، تەلەۆيزياداعى العاشقى دەبيۋتى بولدى. شىمكەنتتىڭ «وتىرار» تەلەارناسىندا «اتا-اناسىز ءبىر ساعات» باعدارلاماسىندا ءبىر اي جۋرناليست بولعان. قازىرگى تاڭدا «حابار» تەلەارناسىنىڭ جاڭالىقتار قىزمەتىندە ديكتور.

نۇرسۇلتاننىڭ پىكىرىنشە، ومىردەگى ەڭ جارقىن ءسات - ءومىر سۇرە الۋ مۇمكىندىگى. ول ءادىل، سابىرلى، باتىل جانە قاراپايىم ادامداردى قۇرمەتتەيدى. ساتقىندىق پەن ەكىجۇزدىلىكتى جانى جەك كورەدى. لاتتەرمان، لارري كينگ، پوزنەر، ۋرگانت، رينات كەرتايەۆ، كريشتيانو رونالدو جانە مايكل دجەكسون ول ءۇشىن ۇلگى بولىپ تابىلادى.

 

جامبىل زەينوللا

جامبىل پاۆلودار وبلىسىنداعى «قازاقستان» ۇلتتىق تەلەارناسىندا كوررەسپوندەنت قىزمەتىن باستاعان. العاشىندا ول جۋرناليست بولۋدى جوسپارلاماعان ەدى. اسكەري قىزمەتكەر بولۋدى اڭساپ، پوگون تاعاتىن جاندارعا بارىن سالىپ ەلىكتەيتىن. ءبىراق بۇل ۋاقىتتا ونىڭ شىعارماشىلىق قابىلەتى دە تانىلا باستاعان.

اناسى جۋرناليستيكا فاكۋلتەتىن تاڭداۋعا كەڭەس بەرەدى. س. تورايعىروۆ اتىنداعى پاۆلودار مەملەكەتتىك ۋنيۆەرسيتەتىنە وقۋعا تۇسۋگە قۇجاتتارىن تاپسىرۋعا دا كوندىرەدى. جامبىل اناسىنىڭ ءۇمىتىن اقتاپ، ءقازىر رەسپۋبليكالىق «24 KZ» تەلەارناسىندا قىزمەت جاسايدى. جۇرگىزۋشى ۇلىنىڭ دا جۋرناليست بولعانىن ارماندايدى.

 

عالىم كالمەنوۆ

عالىم - «ەۋرازيا» ءبىرىنشى ارناسىنداعى «112» باعدارلاماسىن جۇرگىزەدى. عالىمنىڭ ايتۋى بويىنشا، كامەرا - ونىڭ ەڭ جاقىن دوسى. كامەرا ارقىلى عالىم تەك جاڭالىقتاردى عانا وزگەلەرگە تاراتپاي، سونىمەن قاتار ءوزىنىڭ ىشكى جان دۇنيەسىن دە كورسەتە الادى. اتاپ ايتقاندا، وعان جۇرگىزۋشى بولۋعا تەلەكورەرمەندەر كومەگىن تيگىزگەن.

«مەن كورەرمەندەرىمدى، ولاردىڭ قول سوققانىن جانە سىنعا العانىن جاقسى كورەمىن. تەلەۆيزيا اۋديتورياسىنىڭ ارقاسىندا، ءبىز، جۋرناليستەر، شىعارماشىلىق جاعىنان داميمىز، قاتەلەرىمىزدى تۇزەيمىز جانە ءوزىمىزدى كۇتەمىز»، - دەيدى عالىم. بولاشاقتا عالىم ءوزىن تەك جۋرناليستيكا سالاسىندا عانا كورمەيدى. ول كينو ءتۇسىرۋدى ارماندايدى.

 

ارىستان بالتين

ارىستاننىڭ كامەرا الدىنداعى العاشقى سوزدەرى كەلەسىدەگىدەي بولدى: «قايىرلى كەش! تىكەلەي ەفيردە كەشكى جاڭالىقتار. باستى تاقىرىپتار كەلەسىدەگىدەي!». ارىستاننىڭ ەكراننان كورىنەتىندىگىن وتباسىندا ەشكىم كۇتپەگەن ەدى. اتا- اناسىنىڭ جۋرناليست كاسىبىنە دەگەن وڭ كوزقاراسى ونى تاڭداۋدا باستى ورىن الدى.

ەگەر ارىستان تەلەۆيزيادا قىزمەت جاساماسا، ديپلومات بولار ەدى. سۇيىكتى ۇراندارىنىڭ ءبىرى: «ومىرىمدە وزگەرىستەر ورىن الۋعا مۇمكىندىككە يە بولۋىم ءۇشىن بوساڭسىپ كەتپەۋگە قۇداي ماعان كۇش بەرسىن». بۇگىن، «جەتىنشە ارنادا» اقپاراتتىق- اناليتيكالىق باعدارلامالار جۇرگىزىلۋ توقتاتىلعانىنا قاراماستان، ارىستان كينوعا تۇسەدى، تەاتردا وينايدى جانە بەلسەندى تۇردە قايىرىمدىلىقپەن اينالىسادى.

 

تاۋەكەل ءمۇسىلىم

تاۋەكەلدىڭ تەلەۆيزيادا قىزمەت جاساپ جۇرگەنىنە كوپ بولعان جوق. الايدا ول كورەرمەن قىزداردىڭ جۇرەگىن جاۋلاپ الۋدى ۇلگەردى.

تاۋەكەل «ماحابباتىم جۇرەگىمدە» سەريالىندا باستى ءرولدى سومداعاننان كەيىن اتاقتى بولدى. كورەرمەندەر تاۋەكەلدى العاش جۇرگىزۋشى رەتىندە «حابار» ارناسىنان «جاڭا كۇن» باعدارلاماسىندا كوردى. ودان كەيىن جاس جىگىت ن ت ك ارناسىنداعى «رەۆيۋ» باعدارلاماسىنىڭ جۇرگىزۋشىسى بولدى. بوس ۋاقىتىندا ءان ايتادى، فۋتبول وينايدى.

 

comode.kz