ءماجىلىس جاڭا جىلداعى العاشقى جالپى وتىرىسىندا ءبىرقاتار قۇجاتتاردى تالقىلايدى

استانا. قازاقپارات - بۇگىن پارلامەنت ءماجىلىسىنىڭ ءتوراعاسى قابيبوللا جاقىپوۆتىڭ جەتەكشىلىگىمەن پالاتا بيۋروسىنىڭ جاڭا جىلداعى العاشقى وتىرىسى ءوتتى.

وندا پالاتانىڭ الداعى جالپى وتىرىسىنىڭ كۇن ءتارتىبى بەكىتىلدى. بۇل تۋرالى ءماجىلىستىڭ باسپا ءسوز قىزمەتىنەن حابارلاندى.

بيۋرو بەكىتكەن كۇن تارتىبىنە سايكەس، دەپۋتاتتار تالقىسىنا ءبىرقاتار حالىقارالىق قۇجاتتار ۇسىنىلماق. اتاپ ايتقاندا، چەحيا مەن قازاقستان اراسىنداعى تابىس پەن كاپيتالعا سالىناتىن سالىققا قاتىستى قوسارلانعان سالىق سالۋدى بولدىرماۋ جانە سالىق تولەۋدەن جالتارۋعا جول بەرمەۋ تۋرالى كونۆەنسياعا وزگەرىستەر مەن تولىقتىرۋلار ەنگىزۋ تۋرالى حاتتاما، قازاقستان مەن ءۇندىستان اراسىنداعى سوتتالعان ادامداردى بەرۋ تۋرالى كەلىسىمدى راتيفيكاتسيالاۋ تۋرادى زاڭ جوبالارى دەپۋتاتتار قاراۋىنا جاتادى.

سونداي- اق، وسى كۇنى قازاقستانمەن ەنەرگيا تيىمدىلىگىن ارتتىرۋ باعدارلامالارىنا جانە جاستار كورپۋسىن دامىتۋعا ارنالعان ءبىر دونوردىڭ تراست قورى اكىمشىسى رەتىندە ارەكەت ەتۋشى حالىقارالىق قايتا قۇرۋ جانە دامۋ بانكى اراسىنداعى گرانت تۋرالى (جاستار كورپۋسىن دامىتۋ جوباسى) كەلىسىم ماقۇلدانادى دەپ كۇتىلۋدە.

جوبانىڭ ماقساتى جاستاردىڭ، اسىرەسە الەۋمەتتىك تۇرعىدان وسال توپتارىنىڭ قوعامداستىق ومىرىنە تارتىلۋىن ىنتالاندىرۋ، سونداي- اق قوعامداستىقتىڭ يگىلىگى جولىنداعى قوعامدىق پايدالى قىزمەت داعدىلارىنا وقىتۋ باعدارلامالارى ارقىلى ولاردىڭ ومىرلىك ماڭىزدى داعدىلارىن دامىتۋ بولىپ تابىلادى. جالپى وتىرىستا ىلەسپە قۇجاتتارمەن تولەمدەر جانە تولەم جۇيەلەرى، كوللەكتورلىق قىزمەت، حالىقتى جۇمىسپەن قامتۋ تۋرالى زاڭ جوبالارى بويىنشا قورىتىندى ازىرلەۋ مەرزىمى تاعايىندالاتىن بولادى.

وسى كۇنى ءماجىلىس دەپۋتاتتارى قازاقستان مەن مولدوۆا ۇكىمەتتەرى اراسىنداعى زاڭسىز بولاتىن ادامداردىڭ رەادميسسياسى تۋرالى كەلىسىمدى جانە ونى ىسكە اسىرۋ بويىنشا اتقارۋ حاتتاماسىن، سونىمەن بىرگە، قىرعىز رەسپۋبليكاسىمەن وتەۋسىز اسكەري- تەحنيكالىق كومەك كورسەتۋ تۋرالى ۇكىمەتەرالىق كەلىسىمدى، 2009 -جىلعى 9 -ماۋسىمداعى ەۋرازيالىق ەكونوميكالىق قوعامداستىقتىڭ داعدارىسقا قارسى قورىن قۇرۋ تۋرالى شارتقا وزگەرىستەر ەنگىزۋ تۋرالى حاتتامانى جانە قوردىڭ قاراجاتىن باسقارۋ تۋرالى كەلىسىمگە وزگەرىستەر ەنگىزۋ تۋرالى حاتتامانى، سونداي-اق، ءبىر تاراپتان ە ا ە و پەن وعان مۇشە مەملەكەتتەر جانە ەكىنشى تاراپتان ۆەتنام سوتسياليستىك رەسپۋبليكاسى اراسىنداعى ەركىن ساۋدا تۋرالى كەلىسىمدى، قازاقستان مەن سلوۆاك اراسىنداعى ينۆەستيتسيالاردى كوتەرمەلەۋ جانە ءوزارا قورعاۋ تۋرالى ۇكىمەتارالىق كەلىسىمدى راتيفيكاتسيالاۋعا قاتىستى زاڭ جوبالارى وندىرىسكە قابىلدانادى دەپ كۇتىلەدى.

اۆتور: قانات مامەتقازى ۇلى