تولىق جانۇيا بالالاردى پسيحيكالىق پروبلەمالاردان قورعايدى

 استانا. قازاقپارات - تولىق ەمەس (اناسى نەمەسە اكەسى وسىرگەن) نەمەسە اسىراپ العان جانۇيادا وسكەن بالالار پسيحيكالىق پروبلەمالاردان ءۇش ەسە كوپ زارداپ شەگەدى.

The Telegraph حابارلاعانداي، 10 مىڭنان استام بالانىڭ قاتىسۋىمەن زەرتتەۋ جۇرگىزىلدى. وسىلايشا تۋعان اناسىنىڭ جانە اكەسىنىڭ قولىندا وسكەن بالالاردا پسيحيكالىق ماسەلە ءۇش ەسە از تۋىنداعانى بەلگىلى بولدى.

 لوندون ۋنيۆەرسيتەتتىك كوللەدجىنىڭ قىزمەتكەرلەرى بالالاردىڭ جاعدايى ولاردىڭ وسكەن ورتاسىمەن بايلانىستى ەكەنىن ايتتى. اجىراسۋ نەمەسە وتباسىنداعى ۇلكەن ماسەلە بالالارعا كەرى اسەر ەتەدى. جالپى ايتارلىقتاي پسيحيكالىق پروبلەما تولىق جانۇياداعى بالالاردىڭ % 6,6- دا كەزدەستى. تولىق ەمەس جانۇيادا ولاردىڭ قاتارى 15 پايىز، ال اسىراپ العان جانۇيالاردا % 18,1 بولدى.

 تولىق ەمەس (اناسى نەمەسە اكەسى وسىرگەن) نەمەسە اسىراپ العان جانۇيادا وسكەن بالالار گيپەربەلسەندىلىك پەن ءىس- ارەكەتتەردەگى پروبلەمالاردان زارداپ شەكتى. اسىراپ العان جانۇيالارداعى ءاربىر بەسىنشى بالا توبەلەسكەن نەمەسە شۋ شىعارعان. اتاپ ءوتۋ كەرەك، قىزداردان گورى بۇل پروبلەما ۇلدار اراسىندا كوبىرەك كەزدەستى.

 بالا كەدەي وتباسىندا وسسە، وندا پسيحيكالىق كەمشىلىكتەرگە تاپ بولۋ قاۋپى ارتادى ەكەن، دەپ جازدى meddaily.ru.