قازاقستاندا بۇگىننەن باستاپ تەمەكى قىمباتتادى

استانا. قازاقپارات - بۇدان بىلاي ونىڭ ەڭ تومەنگى باعاسى 240 تەڭگە بولادى. ال سۇرانىسقا يە تەمەكىلەر قۇنى ورتا ەسەپپەن 350-480 تەڭگەگە كوتەرىلەدى.

اتالعان وزگەرىستەر 2016-جىلدان باستاپ تەمەكى بۇيىمدارىنا اكتسيزدەردىڭ 30 پايىزعا قىمباتتاۋىنان ورىن الۋدا.

ناقتىراق ايتساق، بيىل اكتسيزدىك مولشەرلەمە شىلىمنىڭ 1000 تالىنا 3900 تەڭگەدەن 5000 تەڭگەگە وسەتىن بولدى.

پارلامەنت دەپۋتتارىنىڭ ايتۋىنشا، بۇل شارا تەمەكى شەككىشتەردىڭ ەسەبىنەن قازىنا بيۋدجەتىن تولتىرىپ قانا قويماي، حالىقتىڭ زياندى ادەتتەن ارىلۋىنا دا ءوز ۇلەسىن قوسادى.

جابال ەرعاليەۆ، ق ر پارلامەنتى سەناتىنىڭ دەپۋتاتى:

- حالىق تەمەكىنى قىمباتتاتۋ ارقىلى بيۋدجەتتى وسىرەمىز دەپ ويلاماۋ كەرەك. باستىسى - حالقىمىزدىڭ دەنساۋلىعى، وسكەلەڭ ۇرپاقتىڭ دەنساۋلىعى. سوندىقتان ءبىز وسى تەمەكى ونىمدەرىن قىمباتتاتۋ ارقىلى، ساتۋ ءتارتىبىن نىعايتۋ ارقىلى جاستاردى جامان ادەتتەن ساقتاندىرۋدى كوزدەپ وتىرمىز.

www.24.kz