ۋنيۆەرسيادا نىساندارى الماتى قالاسىنىڭ مارتەبەسىن جاڭا دەڭگەيگە كوتەرەدى - ب. بايبەك - فوتو
بۇل شاراعا جەرگىلىكتى جانە ايماقتىق مەملەكەتتىك ورگانداردىڭ باسشىلارى، بەلگىلى سپورت جۇلدىزدارى جانە سپورت، دەنساۋلىق ساقتاۋ، قوعامدىق تاماقتاندىرۋ جانە ساۋدا سالاسىندا قىزمەت اتقاراتىن بيزنەس سۋبەكتىلەرىنىڭ جەتەكشىلەرى قاتىستى.
«2017 -جىلعى قىسقى ۋنيۆەرسياداعا ارنالىپ سالىنىپ جاتقان بۇل بىرەگەي سپورت نىساندارى الماتى قالاسىنىڭ مارتەبەسىن جاڭا دەڭگەيگە كوتەرەدى. بۇل - جوعارى حالىقارالىق دەڭگەيدەگى نىساندار. ال ۋنيۆەرسيادا - ۇلكەن ءىستىڭ باستاماسى عانا.
بۇل نىساندار ۋنيۆەرسيادادان كەيىن دە جىل ون ەكى اي جۇمىس ىستەيتىن بولادى. سوندىقتان، باستى ماقساتىمىز - وسى سالىنعان الىپ تا بىرەگەي عيماراتتاردىڭ الەۋەتىن جۇزەگە اسىرۋ. ولاردا ءار ءتۇرلى سپورت جارىستارىنان باسقا، كەڭ كولەمدى كولەمدى الەۋمەتتىك جانە مادەني شارالار دا وتكىزىلىپ تۇراتىن بولادى. قالا تۇرعىندارى ءۇشىن ءار ءتۇرلى سپورت سەكتسيالارى اشىلادى.
اۋماقتا جەكە دارا مەيمانحانا، كافە، دۇكەن جانە باسقا دا قواعامدىق نىساندار سالۋدىڭ قاجەتى جوق. بارلىعى وسى نىسانداردىڭ ىشىندە قاراستىرىلعان. بوس ورىن جەتەدى. بارلىعى جەكە قولعا تازا، وڭدەلگەن كۇيىندە تومەندەتىلگەن باعامەن بەرىلەدى. بيزنەسمەندەرگە تەك كەلىپ، جابدىقتارىن قويىپ، جۇمىستارىن باستاپ جىبەرسە بولعانى. وسىلايشا، الاتاۋ اۋدانى وسى نىسانداردىڭ ارقاسىندا قالا ورتالىقتارىنىڭ بىرىنە اينالسا، الماتى قالاسى سپورتتىق- تۋريستىك كلاستەردى دامىتادى»، - دەدى ب. بايبەك.
سونىمەن قاتار، اتالعان شارا بارىسىندا قالا باسشىسى قۇرىلىس جۇمىستارىندا ادال ەڭبەگىمەن كوزگە تۇسكەن بريگاديرلەر، سىرلاۋشىلار، بەتونشىلار جانە باسقا دا قۇرىلىسشىلار العىس حاتتارمەن ماراپاتتادى.
ايتا كەتەلىك، بۇگىندە جالپى ۋنيۆەرسيادا نىساندارىنىڭ قۇرىلىس جۇمىستارىنا 1500 شاعىن جانە ورتا بيزنەس سۋبەكتىسى تارتىلعان. باستى ماقسات - نىساندارلى 2016 -جىلدىڭ تامىز ايىنان كەشىكتىرمەي قولدانىسقا بەرۋ. قازىر قۇرىلىسشىلار بەلگىلەنگەن ۋاقىت كەستەسىنەن 120 كۇنگە الدا كەلە جاتىر.
اۆتور: جاپپاربەرگەن ايبوتا
