11:51, 30 - جەلتوقسان 2015 | GMT +5
كيم چەن ىننىڭ رەسمي سەۋلمەن كەلىسسوزدەر جۇرگىزگەن ۇزەڭگىلەسى قازا تاپتى
استانا. قازاقپارات - كورەي تۇبەگىندەگى تۋىسقان قوس ەلدىڭ اراسىن دانەكەر ەتىپ جالعاۋ كەلىسسوزدەرىنە جەتەكشىلىك ەتكەن پارتيا قىزمەتكەرى اپاتتان كوز جۇمدى.
قايراتكەر كولىك اپاتىنا ءتۇسىپ، قايتىس بولدى دەپ حابارلايدى سولتۇستىك كورەيانىڭ ورتالىق تەلەگراف اگەنتتىگىنە سىلتەمە جاساعان «رەنحاپ».
«كورەيانىڭ ەڭبەك پارتياسى و ك ساياسي بيۋروسىنىڭ مۇشەسى، جوعارعى حالىق كەڭەسىنىڭ دەپۋتاتى، كەپ وك حاتشىسى يان گون 73 جاسىندا كولىك اپاتىنان قازا تاپتى»، - دەپ جازدى اگەنتتىك. وقيعانىڭ وزگە ءجاي- جاپسارى حابارلانعان جوق.
ەستەرىڭىزگە سالا كەتسەك، وسى ايدا ەكى ەلدىڭ سىرتقى ىستەر مينيسترلەرى كەسون يندۋستريالدى ايماعىندا كەلىسسوزدەر وتكىزىپ، اقىرى سولتۇستىك كورەيا رەسمي سەۋلدى بۇل كەزدەسۋلەردىڭ ەشبىر ناتيجەسىز اياقتالعانى ءۇشىن ايىپتاعان بولاتىن.
