جۇما نامازىنان قايتقان ەردوعان ىستامبۇلدا ءوزىن-ءوزى ولتىرگىسى كەلگەن ادامدى قۇتقارىپ قالدى - كەسكىن
باسىلىم جاريالاعان ۆيدەوجازبادا ەردوعاننىڭ كورتەجىنىڭ سۋيتسيد جاساعىسى كەلگەن ەر ادام تۇرعان كوپىردە توقتاعانى كورىنەدى. كورتەجدى توقتاتۋ تۋرالى بۇيرىقتى ەردوعاننىڭ ءوزى بەرگەن. پرەزيدەنتتىڭ كومەكشىلەرى ەر اداممەن سويلەسىپ، ونىمەن ەردوعاننىڭ اڭگىمەلەسكىسى كەلەتىنىن ايتادى. وسىدان كەيىن ەر ادام تۇركيا باسشىسى وتىرعان كولىككە جاقىندايدى. ۆيدەودان ءوزىن-ءوزى ولتىرگىسى كەلگەن ادامنىڭ ەردوعانمەن بىرنەشە مينۋت سويلەسكەنىن كورۋگە بولادى. وسىدان كەيىن ەر ادام ەردوعاننىڭ قولىن سۇيەدى.
ال ر ي ا نوۆوستي كوپىردەن سەكىرمەك بولعان ەر ادامنىڭ تۇركيانىڭ وڭتۇستىك شىعىسىنداعى سييرت قالاسىنىڭ تۇرعىنى ەكەنىن حابارلادى. ۆەزير چاتراشتىڭ وتباسىلىق جانجالدان كۇيزەلىسكە ۇشىراپ، سۋيتسيد جاساۋعا وقتالعانى بەلگىلى بولدى. چاتراش كوپىردىڭ قورشاۋىنان وتسە دە سەكىرمەۋگە بەل بايلاپتى. توتەنشە وقيعا ورنىنا پوليتسيا كەلدى. ال ءدال وسى ۋاقىتتا بۇل كوپىردەن جۇما نامازدان قايتقان تۇرىك پرەزيدەنتىنىڭ كورتەجى ءوتىپ بارا جاتىپتى.
اگەنتتىكتىڭ مالىمەتىنشە، تۇركيا پرەزيدەنتى شەنەۋنىكتەرگە وسى ەر ادامنىڭ باسىنداعى ماسەلەنى شەشىپ بەرۋگە جانە قاجەتتى كومەك بەرۋگە تاپسىرما بەرىپتى. ال الەۋمەتتىك جەلى قولدانۋشىلارى بۇل وقيعاعا سەنىڭكىرەمەدى. ولار بۇل وقيعانى قاساقانا قۇراستىرىلعان دەپ ايىپتاپ وتىر. ال چاتراشتىڭ الەۋمەتتىك جەلىلەردەگى اككاۋنتتارىندا ونىڭ تۇركيانىڭ بيلەۋشى پارتياسىن جاقتاۋشى ەكەنى ايتىلادى.
