11:22, 28 - جەلتوقسان 2015 | GMT +5
ساۋد ارابياسى كورولدىگى قازاقستاننىڭ ءۇش ازاماتىن تۇتقىندادى
استانا. قازاقپارات - ساۋد ارابياسىنداعى دەرەككوزدىڭ مالىمدەۋىنشە، 2015 - جىلعى 21 - جەلتوقساندا كورولدىكتىڭ ارنايى قىزمەتى تەرروريزم بويىنشا كۇدىكتى رەتىندە قازاقستاننىڭ ءۇش ازاماتىن ۇستاعان.
جەكسەنبى كۇنى ءبىرقاتار قازاقستاندىق ب ا ق اراب مەدياسىنا سىلتەمە جاساي وتىرىپ، ساۋد ارابياسى قاۋىپسىزدىك ورگاندارى تەررورلىق ۇيىمعا قوسىلۋعا ارەكەتتەندى دەگەن كۇدىكپەن قازاقستاننىڭ بەس ازاماتى ۇستالعانىن حابارلاعان بولاتىن.
ساۋد ارابياسىنىڭ كۇش قۇرىلىمدارى قازىرگى ۋاقىتتا ءۇش قازاقستاندىققا قاتىستى تەرگەۋ امالدارى جۇرگىزىلىپ جاتقانىن ايتتى. ولار جەرگىلىكتى جوعارى وقۋ ورنىنىڭ ستۋدەنتتەرى بولىپ شىقتى. بۇل رەتتە ولاردىڭ تەررورلىق اكتىگە قوسىلماق بولعاندىعى تەرگەلۋدە.
