تۇلكىباستا تابيعي شىرىن شىعاراتىن بەس كاسىپورىن اشىلماق

استانا. قازاقپارات - وڭتۇستىك قازاقستان وبلىسىنىڭ تۇلكىباس اۋدانىندا تابيعي شىرىندى سۋسىندار شىعاراتىن 5 كاسىپورىن اشىلماق، دەپ حابارلايدى وبلىس اكىمىنىڭ باسپا ءسوز قىزمەتىنەن.

اۋداندا بۇگىندە ءتۇرلى كوكونىس پەن جەمىس-جيدەكتەن ەكولوگيالىق تازا تابيعي شىرىندار مەن سۋسىندار شىعارلۋدا. بيىلعى جىلدىڭ وزىندە جالپى قۇنى 897 ميلليون تەڭگە بولاتىن ءۇش كاسىپورىن ىسكە قوسىلىپ، جۇمىس ىستەۋدە. كاسىپورىنداردا 87 ازامات جۇمىسپەن قامتىلىپ، مينەرالدى جانە تابيعي شىرىندى ءتۇرلى سۋسىندار شىعارىپ وتىر.

سونىمەن قاتار اۋدانداعى يندۋستريالدى ايماقتان الداعى ۋاقىتتا تاعى 5 كاسىپورىندى ىسكە قوسۋ جوسپارلانىپ وتىر. وتاندىق ءونىمدى دامىتۋ، ادام دەنساۋلىعىنا پايدالى ونىمدەردى تۇتىنۋ ءۇشىن اۋداندا الما، المۇرت، ءجۇزىم ەگۋ قايتا قولعا الىنباق. ودان جينالعان ونىمدەردەن تابيعي سۋسىن شىعارۋدا تۇلكىباستىق كاسىپكەرلەر قىزىعۋشىلىق تانىتىپ وتىر.