دەنساۋلىق: الما جەپ ارىقتاۋعا بولا ما؟
المانىڭ پايدالى قاسيەتتەرى
بۇل جەمىس تەمىردىڭ، پەكتيننىڭ جانە فولي قىشقىلىنىڭ نەگىزگى كوزى سانالادى. الما ارتەريالدى قان قىسىمىن رەتتەپ، تىنىس الۋدى جاقسارتادى. بۇعان الماداعى C دارۋمەنى كومەكتەسەدى. ال В6 دارۋمەنى مايدى كەتىرىپ، كۇيزەلىستى ازايتادى. ال جەمىستىڭ وزىندە مۇلدە ماي جوق.
الما ىشەكتەگى سۋدى ساقتاپ، اس قورىتۋدى جاقسارتۋعا كومەكتەسەدى. سونىمەن قاتار، ونىڭ قۇرامىنداعى جاسۇنىق قانداعى حولەستەرين كولەمىن ازايتۋعا اسەر ەتەدى.
پوليفەنولدار - انتيوكسيدانتتاردىڭ ءبىر ءتۇرى، قانداعى قانتتى رەتتەيدى. بۇلار المانىڭ قابىعىندا بولاتىندىقتان، المانى قابىعىمەن جەگەن دۇرىس. ودان بولەك، المادا كاحەتيندەر بار. ۇيقى كەزىندە مايدان ارىلتاتىن تاپ وسى كاحەتيندەر. سوندىقتان، المامەن ارىقتاۋعا بولا ما دەگەن سۇراققا سەنىممەن «ءيا» دەپ جاۋاپ بەرۋگە بولادى.
ءتاتتىنى جاقسى كورۋشىلەرگە ارنالعان الما ديەتالارى
1- نۇسقا. ەكى كۇن بويى ءبىر كەلى المادان دايىندالعان پيۋرە جەڭىز. المانى ۇككىشتەن وتكىزىپ، ازداپ بال قوسامىز. سودان سوڭ، گازدالماعان نەمەسە مينەرالدى سۋ، اسا ءتاتتى ەمەس شىرىندار ىشۋگە بولادى.
2- نۇسقا. ەكى كۇن بويى ءبىر جارىم كەلىدەن كەم ەمەس المانى جەۋ قاجەت (ءار كۇن سايىن). ال ۇيىقتار الدىندا پەشتە پىسىرىلگەن الما مەن بال پىسىرمەسىن جەڭىز.
قيىن الما ديەتاسى
التى كۇن بويى تەك قانا المانى پايدالاناسىز. ەگەر قىشقىلدىق ارتىپ كەتسە، ءتاتتى الما جەڭىز. ەگەر تومەن بولسا، كەرىسىنشە، اشىسىن جەگەن دۇرىس.
ءبىرىنشى جانە التىنشى كۇندەر: ءبىر كەلى المادان جەڭىز
ەكىنشى جانە بەسىنشى كۇندەر: ءبىر جارىم كەلى المادان جەڭىز
ءۇشىنشى جانە ءتورتىنشى كۇندەر: ەكى كەلى المادان جەڭىز
كۇنارا كوك شاي ءىشىپ تۇرساڭىز دا بولادى. ەگەر ديەتا قيىنعا سوقسا، ازداپ قارا كەپتىرىلگەن نان جەڭىز.
ماڭىزدى كەڭەس
كەيدە ۇزاق ۋاقىت الما جەۋ دە كەدەرگى كەلتىرەدى. سەبەبى، الما قۇرامىنداعى قىشقىل زاتتار ءسىزدىڭ تابەتىڭىزدى ارتتىرادى. الايدا، مۇنى ءتۇرلى قيىن كۇندەردە پايدالانۋعا بولادى.
ەگەر ءسىز الما جەپ، ارىقتاۋعا بولادى دەگەنگە سەنبەسەڭىز، دارىگەر ديەتولوگپەن كەڭەسىپ كورىڭىز. ەستە ساقتاڭىز، الما ديەتاسىن ىشەك جولدارىندا سىرقاتى جوق ادامدار عانا ۇستانا الادى.
كەرەك كەڭەس confederation.kz سايتىنان الىندى.
