ميعا كەرى اسەر ەتەتىن ادەتتەر

نۇر- سۇلتان. قازاقپارات - مي - ادام اعزاسىنىڭ ەڭ باستى مۇشەسى. ءبىز ونسىز ءومىر سۇرە المايمىز.

ال بۇگىنگى تاڭدا، ياعني ХХI عاسىردا ماماندىقتاردىڭ باسىم كوپشىلىگى اقىلدى كەرەك ەتەدى. سوندىقتان ءبىز ميىمىزدى قورعاۋىمىز كەرەك. الايدا اقىل-ويىمىزعا كەرى اسەرىن تيگىزەتىن ادەتتەر بار.

1. تاڭعى استان باس تارتۋ

تاڭعى اسىن تاستاپ كەتەتىن ادامداردىڭ قان قۇرامىندا گليۋكوزا وتە از بولادى. سول سەبەپتى ميىڭىزدىڭ بەلسەندىلىگى تومەندەيدى.

2. ارتىق تاماقتانۋ

ەگەر بەلگىلى ءبىر تارتىپپەن تاماقتانباساڭىز، قان تامىرىڭىزداعى حولەستەرين سانى كوبەيەدى. ول دا ميعا اسەر ەتۋى ابدەن مۇمكىن.

3. شىلىم

تەمەكى ميعا كەرى اسەرىن تيگىزەدى. سوڭعى جۇرگىزىلگەن زەرتتەۋ جۇمىستارىنا سۇيەنسەك، تەمەكى التسگەيمەر اۋرۋىنا اكەلىپ سوقتىرادى.

4. قانتتى مولشەردەن كوپ تۇتىنۋ

قانتتى كوپ تۇتىنۋ ارقىلى اعزاڭىزعا زياندى ءزار، ۋىتتار مەن ارتىق سالماق جينايسىز.

5. ۇيقىنىڭ قانباۋى

ەگەر ۇيقىسىزدىققا ۇشىراساڭىز، ميىڭىزعا زاقىم كەلەتىنىن ۇمىتپاڭىز.

6. ەسىرتكى مەن ىشىمدىك

بۇل زياندى زاتتار ءسىزدى تاۋەلدى ەتەدى جانە ميىڭىزدى قۇرتادى. ودان دا كىتاپ وقىپ، ءسوزجۇمباق شەشىپ، شاحمات ويناڭىز.

7. سوزگە ساراڭدىق

ۇندەمەي وتىرا بەرۋ دە ميعا اسەر ەتەدى. ال اڭگىمە ايتىپ، ءاردايىم بەلسەندى جۇرسەڭىز، جاڭا سوزدەر ۇيرەنەسىز، ميىڭىزدى جاتتىقتىراسىز.

مي - ءبىزدىڭ بايلىعىمىز. ونى بار جانىمىزدى سالىپ قورعاۋىمىز كەرەك. سوندىقتان جوعارىدا ايتىلعان زياندى ارەكەتتەرگە جولاماڭىز.

massaget.kz