سەلينوگراد اۋدانىندا اياق كيىم تىگەتىن جاڭا كاسىپورىن اشىلدى - اقمولا وبلىسى - فوتو

 كوكشەتاۋ. قازاقپارات - اقمولا وبلىسىنىڭ سەلينوگراد اۋدانىندا اياق كيىم تىگەتىن جاڭا كاسىپورىن اشىلدى. وبلىس اكىمى سەرگەي كۋلاگين وڭىرگە جۇمىس ساپارى بارىسىندا اتالعان سەحتىڭ اشىلۋ سالتاناتىنا قاتىسىپ، ۇجىم مۇشەلەرىن قۋانىشتارىمەن قۇتتىقتادى.

«SAMHAT» ج ش س- ءى اتالاتىن كاسىپورىن رەسەي، بەلارۋس، تۇركيا، ا ق ش، انگليا جانە شىعىس ەۋروپا ەلدەرىنىڭ جەتەكشى فابريكالارىنىڭ تەحنولوگياسى بويىنشا ارنايى ماقساتتاعى اياق كيىمدەردى شىعارادى. ازىرگە، كاسىپورىن قر قارۋلى كۇشتەرىنىڭ تاپسىرىسى بويىنشا جۇمىس ىستەۋدە.

«ۇسىنىلعان ءونىمنىڭ نەگىزگى ارتىقشىلىعى ساپاسىندا بولىپ وتىر. ءبىز ءونىمنىڭ ساپالى بولۋى ءۇشىن شەتەلدىڭ جەتەكشى فابريكالارىنىڭ تەحنولوگياسى بويىنشا جۇمىس ىستەيمىز. ءونىم بارلىق تالاپتارعا جانە ق ر مەملەكەتتىك ستاندارتىنا ساي كەلەدى. ال، كاسىپورنىنىڭ قۋاتىنا كەلەتىن بولساق، جىلىنا 500 مىڭ پار اياق كيىم شىعارا الامىز. تاپسىرىس بولىپ جاتسا ونىمدىلىكتى ودان ءارى ارتتىرۋعا بولادى. كاسىپورىننىڭ اشىلۋى 50 ادامدى تۇراقتى جۇمىسپەن قامتىپ وتىر»، دەيدى «SAMHAT» ج ش س- ءنىڭ ديرەكتورىنىڭ ورىنباسارى اسحات يسابەكوۆ.

ايتا كەتەيىك، اتالعان جوبانىڭ قۇنى 300 ميلليون تەڭگەگە باعالانىپ وتىر. كاسىپورىن وسىعان دەيىن استانا قالاسىندا عيمارات جالداپ كەلگەن بولاتىن. 2014 - جىلى سەلينوگراد اۋدانىنىڭ ماكسيموۆكا اۋلىندا بوس تۇرعان عيماراتتى جوندەپ، قايتا قالپىنا كەلتىرگەن. الداعى ۋاقىتتا ءوندىرىس اياسىن كەڭەيتىپ، تۇرعىندار كۇندەلىكتى كيەتىن اياق كيىمنىڭ بىرنەشە ءتۇرىن شىعارۋ كوزدەلگەن.