جاس بالانىڭ تاپقىرلىعى

نۇر- سۇلتان. قازاقپارات - ءبىر اۋىلدا كىلەڭ ءبي، تورە، مىرزالار تۇستەنىپ وتىرادى.

تاماق تۇسىرەردە كورشى ۇيلەردىڭ ويناپ جۇرگەن بالالارى كەلىپ ەسىك الدىنا وتىرادى.

بالالار ەت اساتار دەپ دامەتىپ، توردە ەت جەپ وتىرعاندارعا قاراپ قويادى. ەتتى جەپ بولىڭقىراعاندا توردەگىلەردىڭ بىرەۋى:

- انە ءبىر بالانى قاراشى، ماعان جالتاڭ-جالتاڭ قاراي بەرەدى، - دەپتى.

سوندا بالا:

- ەگەر مەن توردە ەت جەپ، ءسىز بوساعادا قاراپ وتىرساڭىز، ءسىزدىڭ دە كوزىڭىز جاۋتاڭدار ەدى، - دەيدى.

سوندا ساسىپ قالعان الگى ادام:

- ۇلكەن ادامعا قارسى سويلەۋىن قاراشى، ۇرتىن تىلەتىن ەكەن ءوزىنىڭ، - دەيدى.

سوندا الگى بالا ونان سايىن باتىلدانىپ:

- ۇرتىمدى تىلەتىن اساتقان ەتىڭ سىيماي وتىر ما؟ - دەپتى.

جۇرت دۋ كۇلىپتى. الگى كىسى ەشتەڭە ايتا الماي، ۇيالىپ قالىپتى.