16:20, 07 - جەلتوقسان 2015 | GMT +6
لاتۆيانىڭ «تەحنيكالىق پرەمەر» اتانعان ۇكىمەتى وتستاۆكاعا كەتتى
استانا. قازاقپارات - لاتۆيا پرەمەر-ءمينيسترى لايمدوتا ستراۋيۋما لاتۆيا ۇكىمەتى وتستاۆكاعا كەتەتىنى جونىندە جاريالادى.
پرەزيدەنت رايموند ۆەيونيس ۇكىمەت وتستاۆكاسىن قابىلدادى.
رايموند ۆەيونيس بۇدان بۇرىنعى قيىن كەزەڭدەردە ۇكىمەتتى باسقارۋعا بەل بۋعانى ءۇشىن ستراۋيۋماعا العىس ايتتى. «تەحنيكالىق پرەمەر» ستراۋيۋمانىڭ جۇمىسى ەكى جىلعا سوزىلعان ەدى. ستراۋيۋمانىڭ وتستاۆكاعا كەتۋ سەبەبى حابارلانبادى، دەپ جازدى BBC.
2014 -جىلى ول باسقارعان كواليتسيا پارلامەنتتىك سايلاۋدا جەڭىسكە جەتتى. لاتۆيالىق ب ا ق حابارلاعانداي، ۇكىمەت پەن پرەمەردىڭ وتستاۆكاعا كەتۋى تۋرالى سوزدەر سوڭعى بىرنەشە اپتا بويى ايتىلعان.
