ءا. بايمەنوۆ بەيجىڭدە اباي ەسكەرتكىشىنە گۇل شوقتارىن قويدى - فوتو

بەيجىڭ. قازاقپارات - استاناداعى مەملەكەتتىك قىزمەت سالاسىنداعى وڭىرلىك حاب باسقارۋشى كوميتەتىنىڭ ءتوراعاسى دۇنيەجۇزىلىك توعىزقۇمالاق فەدەراتسياسىنىڭ پرەزيدەنتى ءاليحان بايمەنوۆ،

ق ر ا ش م ورىنباسارى گۇلميرا يسابايەۆا، ق ح ر- داعى ق ر توتەنشە جانە وكىلەتتى ەلشىسى شاحرات نۇرىشەۆ، قازاقستاندىق ديپلوماتتار، «جينتاي» مۇراجايىنىڭ قىزمەتكەرلەرى، قىتايداعى قازاق دياسپوراسىنىڭ وكىلدەرى «چاويان» ورتالىق ساياباقتاعى اباي ەسكەرتكىشىنە گۇل شوقتارىن قويدى.

«ۇلى ويشىل، اقىن اباي قۇنانبايەۆ توعىزقۇمالاق ويناعان. زەرتتەۋشىلەر بۇل جايلى جازادى دەپ ويلايمىن. 1940-جىلدارى ويىننىڭ جوعالىپ كەتۋ قاۋپى تۋىندادى. سول ۋاقىتتا جازۋشى مۇحتار اۋەزوۆ، اكتەر قاليبەك قۋانىشبايەۆ، اقىن شاكىر ابەنوۆ باسقا دا كورنەكتى قوعام قايراتكەرلەرى ۇلتتىق ويىننىڭ قايتا جاڭعىرتۋ ءۇشىن ءتيىستى شارالار قابىلدادى»، - دەدى «جينتاي» مۇراجايىندا توعىزقۇمالاق تۋرنيرى مەن شەبەرلىك سىنىبى بارىسىندا تىلشىمىزگە بەرگەن سۇحباتىندا ءا. بايمەنوۆ.

ەسكە سالساق، بيىل ا. قۇنانبايەۆتىڭ تۋعانىنا 170 جىل تولدى. ابايدىڭ بەلگىلى تۋىندىسى - «قارا سوزدەرى». مۇندا ەتنيكالىق قازاقتاردىڭ تاريحى، پەداگوگيكا، مورال، سونداي-اق قۇقىقتارى كوتەرىلەدى.

اباي ەسكەرتكىشى بەيجىڭدە 2014-جىلعى 19- ناۋرىزدا ق ح ر- داعى ق ر ەلشىلىگىنىڭ باستاماسىمەن ورناتىلعان.

ماۋسىمدا وسى مۇراجايدا اباي وقۋلارى، «بەلگىسىز قازاقستان» كورمەسى ۇيىمداستىرىلعان. وعان بەيجىڭدە اككرەديتتەلگەن ديپلوماتيالىق وكىلدىكتەر باسشىلىعى، ش ى ۇ، ق ح ر مادەنيەت مينيسترلىگى، ق ر تۇڭعىش پرەزيدەنتى - ۇلت كوشباسشىسى قورى وكىلدەرى، اباي تۋىندىلارىن قىتاي تىلىنە اۋدارعان حا حۋانجاڭ (حاباي)، ديپلوماتتار، قازاق جانە قىتاي ستۋدەنتتەرى، سۋرەتشىلەر مەن اقىندار، قازاق دياسپوراسىنىڭ وكىلدەرى قاتىستى.