رەسەي تۇركيادان جەتكىزىلەتىن اۋىل شارۋاشىلىق ونىمدەرىنىڭ ورنىن قازاقستاننىڭ تاۋارلارىمەن الماستىرماق

  استانا. قازاقپارات - رەسەي تۇركيادان جەتكىزىلەتىن اۋىل شارۋاشىلىق ونىمدەرىنىڭ ورنىن ەندى قازاقستاننىڭ تاۋارلارىمەن الماستىرماق.  ءبىزدىڭ كوكونىستەرىمىزگە كورشى ەلدىڭ سۇرانىسى ارتقان.       

   وڭتۇستىك قازاقستانداعى جىلىجاي شارۋاشىلىعىمەن اينالىسۋشىلارعا ماسكەۋلىك ارىپتەستەرى ۇسىنىسپەن شىقتى.

زاماناۋي تالاپقا ساي جىلىجايدىڭ جالپى اۋماعى 3 گەكتار. جۇمىسىن قاڭتاردا باستاعان سەرىكتەستىكتە گوللانديالىق قىزاناقتىڭ ءۇش ءتۇرى وسىرىلەدى. ازىرشە ەلىمىزدىڭ وڭتۇستىگى مەن سولتۇستىك وبلىستاردى قامتاماسىز ەتىپ كەلەمىز، - دەيدى جىلىجاي وكىلدەرى. العاشقى جارتى جىلدا مۇندا تەك قيار وسىرىلگەن. ول كەزدە جينالعان 550 توننا ءونىمنىڭ 20 پايىزى عانا رەسەيگە جىبەرىلىپتى.     
  
   توقسابا توقسانبايەۆ،   سەرىكتەستىكتىڭ  اكىمشىلىك ديرەكتورى:        
   پوميدورلار قازىر رەسەي جاقتا جەتىسپەي جاتىر. سونى بىزدەن سۇراپ جاتىر. ال  ءبىر- ەكى كۇن كەلىس سوزدەر بولادى. كەلىسىم دۇرىس بولسا، جەلتوقساندا رەسەيگە دە شىعامىز دەپ جوسپارلاپ وتىرمىز.       
  
   وڭتۇستىك قازاقستان وبلىسىنداعى جىلىجايلاردىڭ جالپى اۋماعى 1 مىڭ گەكتاردان اسادى. ولاردان جىل سوڭىنا دەيىن 170 مىڭ تونناداي ءونىم الۋ جوسپارلانىپ وتىر. وبلىستىق اۋىل شارۋاشىلىعى باسقارماسى ماماندارىنىڭ مالىمەتىنشە،  جىلىجايلاردان جيىلعان  60 مىڭ تونناداي ءونىم رەسەي مەن بەلورۋسسياعا ەكسپورتتالدى. كاسىپكەرلەر تاعى 25 مىڭ تونناداي قيار مەن قىزاناقتى جونەلتۋگە قاۋقارلى.    

     تاڭاتار جاقىپبايەۆ، و ق و اۋىل شارۋاشىلىق باسقارماسىنىڭ باس مامانى:      
   رەسەي فەدەراتسياسى مىناۋ تۇركيانىڭ كاسىپكەرلەرىن وزدەرىنىڭ بازارلارىنان شىعارعان جاعدايدا، ءبىزدىڭ كاسىپكەرلەر، ءبىزدىڭ شارۋا قوجالىقتار كوكونىسپەن قامتاماسىز ەتۋگە تولىق مۇمكىندىگى بار.