قازاق حاندىعىنا ارنالعان «اداسقاندار» تەلەحيكاياسى تەلەارنادا كورسەتىلەدى
وتكەن عاسىردىڭ كەيىپكەرلەرى، سول كەزدەگى تۇرمىس- تىرشىلىكتى كورسەتەتىن دەكوراتسيالار مەن رەكۆيزيتتەر، سول زامانعا ساي كيىم ۇلگىلەرىن كيگەن كەيىپكەرلەر جانە قازاق جەرىنىڭ كەڭ بايتاق دالاسى!
تەلەحيكايانىڭ سيۋجەتى - قازىرگى زاماندا ءومىر ءسۇرىپ جاتقان، بىرنەشە قازاقستاندىقتاردىڭ، بۇرىنعى قازاق حاندىعىنىڭ تۇسىنا ءوتىپ كەتكەندەرى جايلى باياندايدى.
حيكايانىڭ باستى كەيىپكەرى: تالاس سەركەبايەۆ - بەلگىلى فيزيك، فيزيكا- ماتەماتيكا عىلىمىنىڭ دوكتورى، ۋاقىت پورتالىن جۇزەگە اسىرۋ ءۇشىن بىرنەشە جىلدان بەرى زەرتتەۋلەرمەن اينالىسىپ كەلەدى. ارنايى اپپاراتتىڭ كومەگىمەن زەرتتەۋ جۇمىستارىن جۇرگىزىپ جاتقان تالاسقا، جاڭا بەينەبايان تۇسىرەمىز دەپ اداسىپ كەلگەن ايدانا ەسىمدى تانىمال ءانشىنىڭ توبى، تالاستىڭ جۇمىسىنا كەدەرگى كەلتىرىپ، بارلىق كەيىپكەرلەر كەنەتتەن بۇرىنعى زامانعا ءوتىپ كەتەدى...
سەريالدىڭ باستى ماقتانىشى: تانىمال، كاسىپقوي اكتەرلەر. تۋىندىنىڭ جۇلدىزى - بەلگىلى قازاقستاندىق ءانشى كامشات جولدىبايەۆانىڭ تۋعان ءسىڭىلىسى - التىناي جولدىبايەۆا، تەاتر جانە كينو اكتەرلەرى اسەت يمانعاليەۆ، باۋىرجان سۇراپبايەۆ، بانۋ مانكەيەۆا، زەينابىل جومارت سىندى تالانتتى ونەر يەلەرى ءوز كەيىپكەرلەرىن جاقسى سومداپ شىقتى.
ءوز ومىرلەرىنە ۇيرەنىپ قالعان كەيىپكەرلەرىمىز قازاق حاندىعىنا ءوتىپ كەتكەن سوڭ، ول جەردەن ءتىرى قالىپ، قاشىپ شىعا الادى ما؟ ادەمى اۋەن مەن ازىلگە تولى حيكايا، ەشكىمدى بەي- جاي قالدىرمايدى.
7- جەلتوقساننان باستاپ ساعات 23.00 «31- ارنادا» كورسەتىلەدى.
