دەنساۋلىق: ءزايتۇن مايىنىڭ پايداسى قانداي؟

نۇر-سۇلتان. قازاقپارات - ءزايتۇن مايى كوپتەگەن عاسىرلار بويى حالىق مەديتسيناسىندا پايدالانىلىپ كەلەدى.

ونى كەز- كەلگەن اۋرۋ تۇرىنە قولدانعان: ستوماتولوگيادا، اسقازان اۋرۋلارى، تەرى اۋرۋلارى، ۋلانۋدا جانە ت. ب.

ءزايتۇن مايى بۇكىل الەمدە ەڭ پايدالى، ەمدىك قاسيەتكە يە ماي رەتىندە تانىمال. دەنساۋلىعىمىزعا تيگىزەر پايداسى وراسان زور:

- تەرىمىزدى ىلعالداندىرىپ، جۇمسارتادى؛

- جاسارتاتىن قاسيەتكە يە. قۇرامىنداعى ە دارۋمەنى مەن انتيوكسيدانتتار ءاجىم ءتۇسۋدى بولدىرمايدى؛

- تەرى جاسۋشالارىن قالپىنا كەلتىرىپ، دەرماتيت پەن قۇرعاقتىقتان ساقتايدى؛

- تۇماۋدا؛

- اسقازان- ىشەك جولدارى اۋرۋلارىندا؛

- باس اۋرۋىندا؛

- ەكزەما، كونيۋنكتيۆيت ت. ب. اۋرۋلاردا كومەكتەسەدى.

دارىگەرلەر ءزايتۇن مايىن تاماقپەن بىرگە كۇنىنە كەم دەگەندە ءبىر رەت قولدانۋ - ايەلدەردىڭ ومىراۋ بەزى وبىرىنىڭ الدىن الىپ، ونكولوگيالىق اۋرۋلارمەن كۇرەسەتىنىن ايتادى. سەبەبى، ءزايتۇن ومىراۋ بەزى وبىرىنىڭ پايدا بولۋىنا سەبەپ بولاتىن HER-2/neu ونكوگەنىنە قارسى تۇرادى.

باسقا مايلارعا قاراعاندا وڭاي سىڭىرىلەدى، سوندىقتان كەز- كەلگەن قان توبىنداعى ادام پايدالانا الادى.

قولدانۋ جولدارى:

ءزايتۇن مايىن كۇندەلىكتى تاڭەرتەڭ اشقارىنعا ءبىر قاسىق ءىشىپ تۇرساڭىز، كەز- كەلگەن اۋرۋدىڭ الدىن الىپ، دەنساۋلىعىڭىزدى ساقتاي الاسىز.

تەرى كۇتىمى. ول بەت تەرىسىنە عانا ەمەس، سونداي- اق، شاش، تىرناق، بۇكىل دەنەڭىزگە جاقساڭىز، تەرىڭىزدى جىبەكتەي جۇمساق، تەگىس ەتىپ قالپىنا كەلتىرەدى. قولدانۋ دا قيىندىق تۋعىزبايدى. تاڭەرتەڭ جانە كەشكە بەت تەرىسىنە كرەم جاققانداي ەتىپ جاقساڭىز بولعانى. ۇيىقتار الدىندا جاقساڭىز بولدى. قۇرعاق شاشتى ىلعالداندىرىپ، مايلى شاشتى قالپىنا كەلتىرەدى. 30 گرام ءزايتۇن مايى مەن ەكى جۇمىرتقانىڭ سارىسىن ارالاستىرىپ، شاشىڭىزعا جاعىپ جارتى ساعاتتان سوڭ جىلى سۋمەن سۋسابىنمەن جۋىپ تاستايسىز. اپتاسىنا ءبىر- ەكى رەت وسى ماسكانى جاساپ تۇرساڭىز، شاشىڭىز جۇمساق، جىلتىر ءارى ساۋ بولادى.

اقپارات ينتەرنەتتەن الىندى.