دەنيس تەندى ماراپاتتاۋ كەزىندە قازاقستاننىڭ بۇرىنعى ءانۇرانى شىرقالدى

استانا. قازاقپارات - وليمپيادا ويىندارىنىڭ قولا جۇلدەگەرى دەنيس تەندى حورۆاتيا استاناسى زاگرەبتە وتكەن «Golden Spin of Zagreb» تۋرنيرىندە ماراپاتتاۋ راسىمىندە قاتەلىكپەن قازاقستاننىڭ بۇرىنعى ءانۇرانى شىرقالدى، دەپ حابارلادى Vesti.kz. ءتىلشىسى.

قازاقستاندىق مانەرلەپ سىرعاناۋشى ۇيىمداستىرۋشىلاردىڭ جاڭىلعانىن بىردەن بايقاپ، توسىلىپ قالماستان قولىن جۇرەك تۇسىنا قويدى. ەسكە سالا كەتەيك، دەنيس تەن قىسقا جانە ەركىن باعدارلاما قورىتىندىسى بويىنشا تۋرنيردە ەكىنشى رەت جەڭىسكە جەتتى، ول سونداي- اق 2014 -جىلى «Golden Spin of Zagreb» جەڭىمپازى اتانعان.