ەلوردادا اۋىل ايەلدەرى كاسىپكەرلىگىن دامىتۋ ماسەلەلەرى تالقىلانۋدا
شارا بارىسىندا ق ر ورتالىق سايلاۋ كوميسسياسىنىڭ مۇشەسى، ق ر پرەزيدەنتى جانىنداعى وتباسى ىستەرى جانە دەموگرافيالىق ساياسات جونىندەگى ۇلتتىق كوميسسياسىنىڭ مۇشەسى ءلاززات سۇلەيمەن ءوز سوزىندە بۇگىندە ايەلدەر بيزنەسى قالالاردا وتە جاقسى دامىعانىمەن اۋىلدىق جەرلەردە ءالى كۇنگە دەيىن كەنجە قالىپ وتىرعانىن باسا ايتتى.
«ارينە، بيزنەسكە مەملەكەت تاراپىنان ۇلكەن قولداۋ جاسالىپ جاتقانىمەن، ءاربىر ادامنىڭ ءوز ءىسىن بىردەن باستاپ كەتۋى وتە قيىن. ايەلدەر اراسىنداعى بيزنەس - بۇل وتە تازا، جەمقورلىقتان ادا جانە وتباسىن تۇراقتاندىراتىن بيزنەس. سوندىقتان اۋىل ايەلدەرىنىڭ بيزنەسىن دامىتۋ ءبىزدىڭ كوميسسيانىڭ باستى باعىتتارىنىڭ ءبىرى»، - دەدى ول.
ونىڭ اتاپ وتۋىنشە، اۋىل ايەلدەرىنىڭ كاسىپكەرلىكتى دامىتۋىنا تىڭ سەرپىن بەرۋ ماقساتىندا ۇلتتىق كوميسسيا ارنايى جوسپار تۇزۋدە.
ايتا كەتەرلىگى شارا سوڭىندا كاسىپكەر ايەلدەر اراسىندا وتكىزىلگەن «ايەلدەرشە بيزنەس» جانە اقمولا وبلىستىق بۇقارالىق اقپارات قۇرالدارى اراسىندا وتكەن «ايەلدەر مەن بيزنەس» بايقاۋلارىنىڭ ناتيجەسى جاريا ەتىلمەك.
اۆتور: مارلان جيەمباي
