بايان ەسەنتايەۆا ءمولدىر اۋەلبەكوۆادان شىندىقتى ايتۋدى تالاپ ەتتى

استانا. قازاقپارات - بەلگىلى پروديۋسەر بايان ەسەنتايەۆا ءمولدىر اۋەلبەكوۆادان ءوزارا كيكىلجىڭنىڭ سەبەبىن اشىق ايتۋدى تالاپ ەتتى. پروديۋسەر بۇرىنعى شاكىرتىنىڭ جولىن كەسۋشىلەردىڭ بار ەكەنىن ءجيى ايتاتىنىن سىنعا الدى.

«تۇسىنبەيمىن، نەگە مەنىڭ باسقا شاكىرتتەرىم وسىنداي جاعدايعا تاپ بولمايدى؟ ! جانار، كامشات، ايدانا، انەل بۇلاي ايتپايدى. نەگە تەك ءمولدىر «بىرەۋدىڭ» ونىڭ جولىنا توسقاۋىل بولاتىنىن ءجيى ايتادى؟ مۇمكىن ونىڭ سەبەبى بار شىعار؟ جەل تۇرماسا، ءشوپتىڭ باسى قيمىلدامايدى عوي؟ بايعۇس قىزدى قيناپ جۇرگەن زۇلىم ادامدار كىم؟ نە ءۇشىن؟ سۇراق كوپ، جاۋاپ بىرەۋ عانا»، - دەپ جازدى ەسەنتايەۆا Instagram پاراقشاسىندا.

باياننىڭ ايتۋىنشا، بۇل سۇراققا جاۋاپتى ءمولدىردىڭ ءوزى جاقسى بىلەدى. سوندىقتان ول اۋەلبەكوۆادان شىندىقتى ايتۋدى تالاپ ەتتى.

«مۇمكىن اشىعىن ايتارسىڭ؟ الدە مەن وسىلاي قىنجىلا بەرەم بە؟ ەندى مۇنداي كەلەڭسىزدىكتەر بولمايدى دەپ ۇمىتتەنەم. ايتپەسە بۇل سۇراققا ءوزىمنىڭ جاۋاپ بەرۋىمە تۋرا كەلەدى. كەز كەلگەن بەتكە ايتىلعان مالىمدەمەدە دالەل بولۋ كەرەك»، - دەپ تۇيىندەدى پروديۋسەر.

 nur.kz