08:39, 26 - قاراشا 2015 | GMT +5
شىمكەنتتە «ەلباسى جانە وڭتۇستىك» اتتى فوتوكورمە اشىلدى - فوتو
استانا. قازاقپارات - ق ر تۇڭعىش پرەزيدەنتى كۇنىنە وراي شىمكەنت قالاسىنداعى بەينەلەۋ ونەرى مۇراجايىندا ەلباسىنىڭ ءومىرى مەن قىزمەتىنە ارنالعان «ەلباسى جانە وڭتۇستىك» اتتى فوتوكورمە اشىلدى.
فوتوسۋرەتتەر كورمەسىندە مەملەكەت باسشىسىنىڭ وڭتۇستىك قازاقستان وبلىسىنا كەلگەن جۇمىس ساپارى جانە وڭىردەگى الەۋمەتتىك نىساندار مەن ءوندىرىس ورىندارىن ارالاعان ساتتەرى بەينەلەنگەن. سۋرەتتەردى جەرگىلىكتى فوتوگرافتار تۇسىرگەن.
كورمەگە قويىلعان سۋرەتتەردە پرەزيدەنتتىڭ كاسىپورىن ۇجىمىمەن، جاستارمەن جانە قاراپايىم ەڭبەك ادامدارىمەن كەزدەسكەن ساتىندەگى كوڭىل-كۇيى بەينەلەنگەن.
شاراعا كەلگەن قوناقتاردى تۇڭعىش پرەزيدەنت كۇنى مەرەكەسىمەن قۇتتىقتاعان شىمكەنت قالاسى اكىمىنىڭ ورىنباسارى قايرات نۇرتاي ەلباسىنىڭ تاۋەلسىزدىك تۇعىرىن تۇراقتى ەتۋگە جانە ەلىمىزدىڭ الەمدىك دەڭگەيدەگى مارتەبەسىن كوتەرۋگە قوسقان سۇبەلى ۇلەسى مەن ەڭبەگىن ەرەكشە اتاپ ءوتتى، دەپ حابارلايدى قالا اكىمدىگىنىڭ باسپا ءسوز قىزمەتىنەن.
كورمە 10- جەلتوقسانعا دەيىن جالعاسىن تاباتىن بولادى.
