قىتايداعى «قارجى جانە ەكونوميكا» جۋرنالى: قازاقستان ەۋرازيالىق كونتينەتتىك ساۋدا- ساتتىقتىڭ ورتالىق حابىنا اينالادى - فوتو

بەيجىڭ. قازاقپارات - ق ح ر- داعى تانىمال «ءساي جيڭ» («قارجى جانە ەكونوميكا» ) جۋرنالى «قورعاس» شەكارا ماڭى ىنتىماقتاستىعى حالىقارالىق ورتالىعىنا ارنالعان ماقالالار سەرياسىن جاريالادى.

 «قازاقستاندا «نۇرلى جول» جاڭا ەكونوميكالىق ساياساتى جاريالانعان سوڭ ق ر- دا ينفراقۇرىلىمدىق قۇرىلىس باسىمدىق الىپ بارادى، قازاقستاندىق تاراپتىڭ قۋاتىن قازاقستاندىق- قىتايلىق شەكارادا «قورعاس» شەكارا ماڭى وتكىزۋ بەكەتىن سالۋدان بايقاۋعا بولادى»، دەپ جازادى باسىلىم ورتالىق ازيانىڭ ەكونوميكالىق الەۋەتى تۋرالى ماقالاسىندا.

 ماقالادا قورعاستىڭ ق ح ر ش ۇ ا ءو ىلە قازاق اۆتونوميالىق وبلىسىنداعى قۇلجا قالاسىنان 90 شاقىرىم قاشىقتىقتا جانە قازاقستاندىق التىنكول قالاسىنان 35 شاقىرىم قاشىقتىقتا ورنالاسقان شەكارالىق وتكىزۋ بەكەتى ەكەنى ايتىلعان. قورعاس ارقىلى قىتاي مەن ورتالىق ازيا اراسىنداعى ءىرى كولەمدەگى تاۋار تاسىمالى وتەدى.

 «قورعاستا شەكارا ماڭى ىنتىماقتاستىعى ورتالىعىن سالۋ باستاماسىن العاش رەت قازاقستان پرەزيدەنتى نۇرسۇلتان نازاربايەۆ 2003 - جىلى كوتەرگەن. 2010 - جىلى مامىر ايىندا شىنجاڭ حالىق ۇكىمەتىنىڭ جۇمىس كونفەرەنسياسىن وتكىزگەن سوڭ قورعاس شەكارا ماڭى بەكەتىندە قۇرىلىس قارقىنى ارتتى. ول ورتالىق ازيالىق ايماق ءۇشىن اشىق ايماق تىزىمىنە ەندى ءارى ايماقتار اراسىنداعى بيزنەس- بايلانىستار جانە مادەني الماسۋ ءۇشىن ماڭىزدى الاڭعا اينالدى. 2014 - جىلى ماۋسىم ايىندا ق ح ر مەملەكەتتىك كەڭەسى قورعاس قالاسى مەكەمەسىن ۋەزد دەڭگەيىندە بەكىتتى، ول ىلە قازاق اۆتونوميالىق وبلىسىنىڭ باعىنىستىلىعىنا ەندى»، - دەلىنگەن ماتەريالدا.

ماقالا اۆتورى 2014 - جىلدان ق ر- دا ەكونوميكانىڭ ءوسۋ قارقىنىنىڭ تومەندەگەنىن اتاپ وتەدى، بۇل ەل باسشىلىعىنىڭ ساۋدا- ساتتىق جاعدايلارىن جەتىلدىرۋ ءۇشىن ينفراقۇرىلىمدىق قۇرىلىسقا اۋقىمدى ينۆەستيتسيالار سالۋ تۋرالى شەشىم قابىلداۋىنا اكەلگەن.

«نۇرلى جول» جاڭا ەكونوميكالىق ساياساتى قابىلدانعان سوڭ قازاقستان ۇكىمەتى بيىلعى جىلدىڭ ماۋسىم ايىندا ناقتى جوسپاردى - «ءجۇز قادامدى» ۇسىندى: الداعى بەس جىلدا قازاقستان ءوزىنىڭ كولىكتىك جانە ونەركاسىپتىك ينفراقۇرىلىمىن دامىتۋعا 60 تريلليون تەڭگە (220 ميلليارد دوللار) سالادى. ونىڭ %85- ىن جەكە ينۆەستورلار سالماق»، - دەپ اتاپ وتىلگەن ماقالادا.

 قورعاس وتكىزۋ بەكەتىنىڭ، ارنايى ەكونوميكالىق ايماعىنىڭ جانە شەكارا ماڭى ىنتىماقتاستىعى ورتالىعىنىڭ قازاقستاندىق بولىگىنىڭ قۇرىلىسى جوعارىدا اتالعان جوسپاردىڭ ماڭىزدى بولىگى بولىپ تابىلادى. قازاقستاندىق تاراپتىڭ جوسپارى بويىنشا، بولاشاقتا قورعاستىڭ قازاقستاندىق بولىگى سىيىمدىلىعى 15 مىڭ ادامدى قۇرايتىن شاعىن قالاعا اينالادى.

«ورتالىق ازيا ەلدەرى مەن ازيا- تىنىق مۇحيتى ايماعىنداعى ەۋروپالىق مەملەكەتتەر اراسىنداعى جۇك تاسىمالىن ۇيلەستىرۋ ماقساتىندا قازاقستان اۋماعى 4500 گەكتار بولاتىن ەۋرازيالىق كونتينەنتتەگى ءىرى قۇرلىقتىق لوگيستيكالىق ورتالىقتى سالۋعا 70 ميلليارد تەڭگە (شامامەن 250 ميلليون دوللار) جۇمساماق»، - دەلىنگەن «قىتاي مەن قازاقستان ەۋرازياداعى ءىرى لوگيستيكالىق ايلاقتى سالماق» دەگەن تاقىرىپپەن بەرىلگەن باسىلىم ماقالاسىندا.

«سوڭعى جىلدارى تەمىر جول تاسىمالىنا دەگەن سۇرانىس كۇرت ارتتى. «KTZ-Express» مالىمەتتەرىنشە، قازىرگى كەزدە ەۋروپا مەن قىتاي اراسىندا 1290 حالىقارالىق جۇك پويىزدارى قاتىنايدى. بەس جىلدان سوڭ پويىزدارعا دەگەن سۇرانىس 10 ەسەگە، ال كونتەينەرلەردىڭ جۇك اعىمى - 22,5 ەسەگە ارتادى. «China Railway»  قىتايلىق كورپوراتسياسى 2014 - جىلدىڭ ەكىنشى جارتىسىندا قىتاي مەن ەۋروپا اراسىنداعى كونتەينەرلىك پويىزدار قوزعالىسى جوسپارىنا تۇزەتۋلەر ەنگىزدى. ءسويتىپ، قىزمەت ەتەتىن تەمىرجول باعىتتارىنىڭ سانى 8 دەن 19 عا دەيىن ءوستى»، - دەلىنگەن ماقالادا.

 ماقالا اۆتورى «قورعاس» لوگيستيكالىق ورتالىعىن سالۋ ماقساتى قىتاي مەن ەۋروپا اراسىندا ءجۇرىپ جاتقان پويىزداردىڭ تيىمدىلىگىن ارتتىرۋ ەكەنىن ەسكە سالادى.

 «قورعاس» لوگيستيكالىق ورتالىعىنىڭ قۇرىلىسى اياقتالعان سوڭ قۇرلىق جولدارىنىڭ كولىكتىك ينفراقۇرىلىمىن جاڭعىرتۋ جانە جاقسارتۋ جاعدايىندا قازاقستاننىڭ ءداستۇرلى ساۋدا باعىتتارىن وزگەرتىپ، ەۋرازيالىق كونتينەتتىك ساۋدا- ساتتىقتىڭ ورتالىق حابىنا اينالۋ مۇمكىندىگى پايدا بولادى. ەۋرازيالىق كونتينەنتتىڭ ەكى جاعىنداعىلار دا، ونىڭ ىشىندە قازاقستان دا بۇدان تەك ۇتادى. ول كەزدە جاپونيادا شىعارىلىپ، قازاقستانعا ەكسپورتتالعان كولىك دىتتەگەن جەرىنە ءبىر اپتا ىشىندە جەتەتىن بولادى»، دەپ جازادى قىتايلىق باسىلىم.

 باسىلىم قىتايلىق وقىرمانعا «قورعاس» شەكارا ماڭى ىنتىماقتاستىعى حالىقارالىق ورتالىعىنا قاتىستى جوسپارلاردى جۇزەگە اسىرۋ ءۇشىن قازاقستان دۋبايدا ورنالاسقان جانە ءىرى حالىقارالىق ايلاقتاردى باسقارۋ تاجىريبەسى بار  «DP World»  كورپوراتسياسىنىڭ قىزمەتىن پايدالانعانىن حابارلايدى.

 «DP World»  باس ديرەكتورى كارل گەيسەننىڭ ايتۋىنشا، قازىرگى ۋاقىتتا «قورعاس» - قا 35 ءىرى ترانس ۇلتتىق كومپانيالار قىزىعۋشىلىق تانىتىپ وتىر»، دەپ تۇيىندەيدى جۋرنال.

ەسكە سالايىق، «قارجى جانە ەكونوميكا»  ق ح ر- داعى جەتەكشى تاۋەلسىز قارجىلىق- ەكونوميكالىق جۋرنالداردىڭ ءبىرى، 1998 - جىلدان شىعىپ كەلەدى. ونى قىتاي قارجى بيرجاسىنىڭ اتقارۋشى كەڭەس باسقارادى. شتاب- پاتەرى بەيجىڭدە ورنالاسقان. ايىنا ەكى رەت قىتاي تىلىندە شىعارىلىپ، قىتاي اۋماعى مەن شياڭگاڭ جانە اۋمىن ارنايى اكىمشىلىك ايماقتارىنا تارالادى. باسىلىم تيراجى - 400 مىڭ دانا.