جامبىل وبلىسىندا قانت قىزىلشاسىنىڭ رەكوردتىق ءونىمى جينالدى - فوتو

تاراز. قازاقپارات - بيىلعى جىلى قورداي اۋدانىنىڭ قىزىلشا وسىرۋشىلەرى «ءتاتتى تامىردىڭ» رەكوردتىق ءونىمىن جينادى.

اۋدان اكىمدىگىنەن ءتۇسىندىرىپ وتكەندەي، جامبىل وبلىسىنىڭ جەتەكشى اگروكاسىپورىندارىنىڭ ءبىرى بولىپ تابىلاتىن سارىبۇلاق اۋىلدىق وكرۋگىندەگى «سامعاۋ» شارۋا قوجالىعىندا ءبىر گەكتار جەردەن قانت قىزىلشاسىنىڭ 700 تسەنتنەرى كولەمىندە رەكوردتىق ءونىمى الىندى.

شارۋاشىلىق باسشىسى ەۆگەني ترۋبنيكوۆتىڭ ايتۋىنشا، سوڭعى ءۇش جىلدا «سامعاۋ» ش ق تامشىلاپ سۋارۋدىڭ الدىڭعى قاتارلى تەحنولوگيالارىن پايدالانا وتىرىپ، استىق جۇگەرىسى مەن پيازدىڭ جوعارى ونىمدەرىن الىپ وتىر. بيىلعى جىلى مۇندا وزىق تەحنولوگيانى قانت قىزىلشاسىنا قولدانۋ شەشىلدى. ناتيجەسىندە ونىمدىلىك رەكوردتىق بولدى.

«جاقسى ءونىم الۋىمىزدىڭ قۇپياسى گەرمانيالىق تۇقىم، تامشىلاپ سۋارۋدىڭ يزرايلدىك تەحنولوگياسىندا بولىپ وتىر. كەلەسى جىلى قىزىلشا پلانتاتسياسىن 90 گەگتارعا دەيىن كەڭەيتۋدى جوسپارلاپ وتىرمىز. تۇقىمدى ەگۋ ءۇشىن ارنايى تۇقىم سەپكىشتەرگە تاپسىرىس بەردىك»، - دەيدى ە. ترۋبنيكوۆ.

سونداي-اق «سامعاۋ» ش ق- دا جەردى قازۋ جانە تامىرلاردى تازارتۋ پروتسەسىن تولىق اۆتوماتتاندىراتىن كومباينداردى ساتىپ الماقشى. بۇگىندە بۇل جۇمىستار ازىرگە قولمەن اتقارىلۋدا. «بۇل رەتتە ونىمدىلىك جوعارىلاپ، شىعىندار ايتارلىقتاي تومەندەيدى»، - دەپ سەنەدى شارۋا قوجالىعىنىڭ باسشىسى.

«سامعاۋ» ش ق مەركى قانت زاۋىتىنا قايتا وڭدەۋگە 600 توننادان استام ءتاتتى تامىرلار جىبەرىپ ۇلگەردى، تاعى شامامەن 100 توننانى جەتكىزۋ جوسپارلانىپ وتىر. بيىل ساتىپ الۋ باعاسى بۇرىنعىداي. مەركى قانت زاۋىتى قازان ايىنىڭ باسىنان بەرى تامىر جەمىستەرىن ءبىر كەلى ءۇشىن 12 تەڭگەدەن قابىلداپ وتىر.

قورداي اۋداندىق اكىمدىگىندە مەملەكەت بۇگىندە قىزىلشا وسىرۋشىلەرگە جەڭىلدىك نەگىزدە ىڭايتقىشتار، ج ج م، جەڭىلدىكتەر ارقىلى قولداۋ كورسەتىپ وتىرعانىن ەسكە سالدى. ءوز كەزەگىندە، جامبىلدىق شارۋالار قازاقستان رەسپۋبليكاسى پرەزيدەنتىنىڭ ەلدە قىزىلشا سالاسىن جانداندىرۋ بويىنشا قويعان مىندەتىن تابىستى شەشىپ وتىر.