ەلوردادا وتاندىق تاۋار وندىرۋشىلەردىڭ كورمە- جارمەڭكەسى ءوتىپ جاتىر - فوتو
وندا جەڭىل ونەركاسىپ سالاسىنىڭ 50 دەن استام كاسىپورىنى ءوز ونىمدەرىن ۇسىنۋدا. «جەرگىلىكتى قامتۋدى دامىتۋ جونىندەگى ۇلتتىق اگەنتتىگى» ا ق- تىڭ حابارلاۋىنشا، بۇل شارا تۇڭعىش پرەزيدەنت كۇنىنە وراي ۇيىمداستىرىلۋدا ءارى قازاقستاندىق وندىرۋشىلەردى قولداۋعا باعىتتالعان جالپى حالىقتىق اكسيانىڭ جارقىن جالعاسى بولماق.
«بۇل جارمەڭكەگە شۇلىقتان باستاپ ۇيگە قاجەتتى بۇيىمدار، ىسكەرلىك كوستيۋم- شالبارعا دەيىن ءونىم شىعاراتىن تاۋار وندىرۋشىلەر قاتىسىپ جاتىر. قازاقستاندىق ونىمدەردىڭ بارلىعىنىڭ دا ساپاسى جاقسى، باعاسى ارزان. بۇگىندە جارمەڭكەگە قاتىسىپ جاتقان ءاربىر كاسىپورىندا 10-نان 400-گە دەيىن ادام ەڭبەك ەتىپ وتىر. ال مۇنداي جارمەڭكەلەر وتاندىق تاۋار وندىرۋشىلەردى حالىق اراسىندا تانىتۋعا، سول ارقىلى ونىمدەرىن مولىنان وتكىزىپ، تۇسكەن قارجى ەسەبىنەن ءوندىرىسىن كەڭەيتۋگە مۇمكىندىك بەرەدى» ، - دەدى «جەرگىلىكتى قامتۋدى دامىتۋ جونىندەگى ۇلتتىق اگەنتتىگى» ا ق باسقارماسىنىڭ ءتوراعاسى قايرات بەكتۇرعانوۆ.
