الاش ادەبيەتى ا ق ش- تى ارالاپ ءجۇر

استانا. قازاقپارات - حالىقارالىق قازاق پەن كلۋبى ۇلتتىق ادەبيەتىمىزدى شەت جۇرتقا تانىستىرۋدا بەلسەندى جۇمىس ىستەپ جاتىر.

 تاياۋدا تالدىقورعان شاھارىنداعى «ءتىل سارايىندا» ا ق ش- تا اعىلشىن تىلىندە جارىق كورگەن مۇقاعالي ماقاتايەۆ پەن بەردىبەك سوقپاقبايەۆتىڭ كىتابىنىڭ تۇساۋكەسەرى ءوتتى.

تۇساۋكەسەرگە وبلىس اكىمى اماندىق باتالوۆ، جەرگىلىكتى زيالى قاۋىم وكىلدەرى قاتىستى.

حالىقارالىق قازاق پەن كلۋبىنىڭ پرەزيدەنتى، بەلگىلى قالامگەر بيگەلدى عابدۋللين مۇقاعالي ماقاتايەۆتىڭ ولەڭدەرى مەن بەردىبەك سوقپاقبايەۆتىڭ «مەنىڭ اتىم قوجا» كىتابى تۋرالى ءسوزدى نيۋ- يورك پەن ۆاشينگتونداعى العاشقى تۇساۋكەسەردەن باستادى. سونداي- اق، اعىلشىن ءتىلدى وقىرماندار اتالمىش تۋىندىلارمەن حالىقارالىق «امازون» ساۋدا الاڭى ارقىلى الەمنىڭ كەز كەلگەن تۇپكىرىندە تانىسا الاتىندىعىن اتاپ ءوتتى. سونىمەن قاتار، بۇل تۋىندىلار ا ق ش- تىڭ باس كىتاپحانالارىنىڭ قورىنا ەنگىزىلگەنىنەن حاباردار ەتتى.

اتالعان كىتاپتار قازاق پەن كلۋبىنىڭ «ءبىز قازاقتارمىز» جوباسى بويىنشا شىعارىلعان. وسى جوبا اياسىنداعى العاشقى قارلىعاشتار - قازاق ادەبيەتىنىڭ كلاسسيگى ءا. نۇرپەيىسوۆتىڭ «قان مەن تەر» . «سوڭعى پارىز» اتتى روماندارى. كىتاپقا بەلگىلى كاسىپكەر، مەتسەنات يسلامبەك سالجانوۆ قارجىلاي دەمەۋشىلىك جاسادى. الداعى ۋاقىتتا اباي مەن مۇحتار اۋەزوۆتىڭ كىتاپتارىن شىعارۋ جوسپارلانعان. ارينە، بۇل تۋىندىلاردى شىعارۋعا، بىرىنشىدەن، ۋاقىت كەرەك بولسا، ەكىنشىدەن، مەملەكەتتىڭ قولداۋى دا قاجەت. وسىعان وراي، شىعارمالاردىڭ اۋدارما ساپاسىنا ءمان بەرگەن ب. عابدۋللين ونىڭ ماتىندەرى اعىلشىن ءتىلدى ساراپشىلاردىڭ نازارىندا بولعاندىقتان، سۇراق تۋىنداماۋى تيىستىگىن اتاپ ءوتتى. تۇساۋكەسەر راسىمىندە وسى كىتاپتاردىڭ وقىرمان قولىنا تيۋىنە زور ەڭبەك سىڭىرگەن الماتى وبلىسىنىڭ بۇرىنعى جانە قازىرگى اكىمدەرى ا. مۇساحانوۆ پەن ا. باتالوۆقا ۇلكەن العىس سەزىمى ءبىلدىرىلدى. ءوز سوزىندە وبلىس اكىمى ا. باتالوۆ «ەگەر قازاق ادەبيەتىنىڭ كلاسسيكتەرى ب. سوقپاقبايەۆ پەن م. ماقاتايەۆتىڭ كىتاپتارى ا ق ش- تىڭ كىتاپ سورەسىندە م. تۆەنمەن قاتار تۇراتىن بولسا، بۇل - ۇلكەن جەتىستىك» دەپ اتاپ كورسەتتى.

ادەبيەت - حالىقتىڭ ايناسى. كەز- كەلگەن حالىقتىڭ بولمىس- ءبىتىمىن ونىڭ كوركەم ادەبيەتى ارقىلى دا تەرەڭ تانۋعا بولادى. ءوزىڭدى شەتەلدىك قوناقتارعا تانىستىرامىن دەسەڭ، وعان جازۋشىلاردىڭ ۇزدىك تۋىندىلارىن تارتۋ ەت. ول ءۇشىن ۇلت ادەبيەتىن ناسيحاتتاۋ، قازاقستان مەن الەمنىڭ ارناسىنا التىن كوپىر بولۋ ءبىزدىڭ ەلشىلەرىمىزدىڭ دە ماڭىزدى مىندەتى بولۋى ءتيىس. سول سەبەپتى، ەگەر ا ق ش- تاعى ەلشىمىز قايرات وماروۆتىڭ قولداۋى بولماعاندا ءبىر عانا ب. عابدۋللين مەن ۆ. كارتسيەۆكە بۇل جوبانى جۇزەگە اسىرۋ وڭايعا سوقپاس ەدى. بۇل ورايدا، قازاق ادەبيەتىن شەت ەل جۇرتىنا ناسيحاتتاۋدا ازاماتتىقتىڭ ۇلگىسىن كورسەتكەن تۇركيا مەن رەسەيدەگى ەلشىلەرىمىز ج. تۇيمەبايەۆ پەن م. ءتاجيننىڭ دە ەڭبەگىن ەرەكشە اتاي كەتۋ قاجەت.

- ءبىز، ارينە، ادەبيەتىمىزدىڭ شەت جۇرتقا ناسيحاتتالۋىنا از ۋاقىت ىشىندە قولۇشىن بەرگەن بىرنەشە ەلشىلەرىمىز بەن اكىمدەرىمىزدىڭ ەسىمىن اتادىق. بۇل ەسىمدەردىڭ الداعى ۋاقىتتا قاتارى تولىعا بەرەتىنىنە ءشۇبا جوق، - دەيدى بەلگىلى جازۋشى، قازاق پەن كلۋبىنىڭ مۇشەسى، قازاقستاننىڭ ەڭبەك سىڭىرگەن قايراتكەرى سماعۇل ەلۋباي.

 

ايتقانىڭىز كەلسىن! الاش ادەبيەتىنىڭ اتى اسقاقتاي بەرسىن!

 «اقشام- اقپارات» .