قازاقستان مەكتەپتەرىندە التى كۇندىك وقىتۋ قالدىرىلاتىن بولدى

 استانا. قازاقپارات - جاقىن بولاشاقتا قازاقستان مەكتەپتەرى التى كۇندىك وقىتۋدان باس تارتپايدى.

 بۇل تۋرالى zakon.kz پورتالىندا وتكەن «مينيسترگە سۇراق قوي» اتتى ونلاين- كونفەرەنسيادا ق ر ءبىلىم جانە عىلىم ءمينيسترى اسلان ءسارىنجىپوۆ ءمالىم ەتتى.

 ينتەرنەت پايدالانۋشىلاردىڭ ءبىرى كونفەرەنسيا بارىسىندا مينيسترگە «قازاقستاندا 2016 - جىلدىڭ 1 - قاڭتارىنان باستاپ، مەكتەپتەردە سەنبى كۇنگى ساباقتار شىنىمەن الىپ تاستالادى ما؟» دەگەن ساۋال جولداعان بولاتىن.

«بۇگىندە 6 كۇندىك وقىتۋدى الىپ تاستاۋ ماسەلەسى تۇرعان جوق. قانداي دا ءبىر وزگەرتۋلەر تەك جەرگىلىكتى ورگانداردىڭ شەشىمىمەن عانا ەنگىزىلۋى مۇمكىن»، - دەپ اتاپ ءوتتى ا. ءسارىنجىپوۆ.

 اۆتور: جاسۇلان جولدىبايەۆ