18:25, 24 - قاراشا 2015 | GMT +5
ەلباسى حالىقتىڭ كوشى-قونى جانە جۇمىسپەن قامتىلۋى ماسەلەلەرى بويىنشا زاڭناماعا وزگەرىستەر ەنگىزدى
استانا. قازاقپارات - مەملەكەت باسشىسى نۇرسۇلتان نازاربايەۆ «قازاقستان رەسپۋبليكاسىنىڭ كەيبىر زاڭنامالىق اكتىلەرىنە حالىقتىڭ كوشى- قونى جانە جۇمىسپەن قامتىلۋى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى.
زاڭ جوعارى بىلىكتى شەتەلدىك ماماندار تارتۋ ءۇشىن قولايلى جاعداي قالىپتاستىرۋ بولىگىندە بەس ينستيتۋتسيونالدىق رەفورمانى جۇزەگە اسىرۋ جونىندەگى 100 ناقتى قادام - ۇلت جوسپارىن ىسكە اسىرۋعا، سونداي- اق حالىقتىڭ كوشى- قونى جانە جۇمىسپەن قامتىلۋى سالاسىنداعى ساياساتتى ودان ءارى جەتىلدىرۋگە باعىتتالعان.
بۇل تۋرالى اقوردانىڭ باسپا ءسوز قىزمەتىنەن حابارلادى.
زاڭ ءماتىنى باسپا سوزدە جاريالانادى.
