نارەستەنى نەلىكتەن سول قولىمىزدا ۇستايمىز؟

استانا. قازاقپارات - قانداي جاعدايدا ادامدار وڭ قولىن، قانداي جاعدايدا سول قولىن قولدانادى؟ وڭ نەمەسە سول قولىن قولدانۋ سانالى تاڭداۋدىڭ ناتيجەسى ما؟

زەرتتەۋ ناتيجەسىنەن بەلگىلى بولعانداي، ادامدار وڭ جانە سول قولىن ەرىكسىز تۇردە كەزدەيسوق پايدالانادى.

انالاردىڭ ءوز ءسابيىن سول قولىنا جاتقىزا ۇستاۋى تابيعي جاعداي بولىپ سانالادى. «نەگە ءسىز بالاڭىزدى سول قولىڭىزدا ۇستايسىز؟ دەگەن سۇراققا بۇل جاي عانا كەزدەيسوقتىق دەگەن جاۋاپ ەستيسىڭ. انىعىندا بۇل سولاي ما؟

سول جاعىمەن سول كوكىرەگىنە بالانى قىسىپ ۇستاۋ تۋرالى انالاردىڭ پايىمى زەرتتەۋدى قاجەت ەتەدى. ايەلدەردىڭ 85 پايىزى (جاس مولشەرىنە جانە وتباسىلىق جاعدايىنا قاراماستان) سابيلەرىن سول جاق كوكىرەك تۇسىندا ۇستاۋى، سول قولىمەن قۇشاقتاۋى «نەيچۋر» جۋرنالىنىڭ 2004-جىلعى 26- اقپاندا جارىق كورگەن سانىندا ءسوز بولعان بولاتىن.

1. كوپتەگەن ادامداردىڭ ميىنىڭ وڭ جاق بولىگى سەزىم مۇشەلەرىنە جانە دەنەنىڭ سول جاق بولىگىنە جاۋاپتى. سوندىقتان، انالار سول جاعىندا بولاتىن جىلاۋ، كۇلۋ نەمەسە ىڭىرسۋ سەكىلدى بالانىڭ ستيمۋلياتورلارىنا وتە ساق قارايدى.

ەگەر بالا اناسىنىڭ وڭ جاعىندا جاتسا، بالادان كەلەتىن سيگنالدار اناسىنىڭ ميىنىڭ وڭ جاق بولىگىنە باعىتتالادى. ميدىڭ سول جاق بولشەگى ورىن جاعدايلارعا، سەزىنۋ باعاسىنا جاۋاپ بەرە المايدى دا، بالا مەن انانىڭ اراسىنداعى بايلانىس جويىلادى دەسەك تە بولادى.

2. بالانىڭ دەنى ساۋ ءارى تولىققاندى دامۋى ءۇشىن سەزىنۋ قاۋىپسىزدىگى وتە ماڭىزدى، سول سەبەپتەن بالاعا اناسىنىڭ جۇرەك سوعىسىن ەستۋى جانە سەزىنۋى قاجەت. انالاردىڭ ءوز بالالارىن سول قولىمەن سول جاق تۇسىنا ۇستاۋى ەرىكسىز تۇردە جۇزەگە اسادى. جاراتۋشى تاراپىنان بەرىلگەن وسىنداي مەيىرىم مەن نازىكتىك بوبەكتىڭ الگى مۇقتاجدىعىن قاناعاتتاندىرادى.

ۇل ادەت ادامنىڭ دەنەسىندەگى ىشكى ورگاندارىنىڭ ورنالاسۋنا بايلانىستى دەگەن پايىم بار. اناتوميالىق كوزقاراسپەن قارايتىن بولساق، ادام دەنەسى سيممەتريالى ورنالاسقان، ال كەيبىر ىشكى ورگاندار اسسيممەتريالى ورنالاسقان. ماسەلەن، سالماق جونىنەن اۋىر تارتاتىن باۋىر وڭ جاقتا ورنالاسقان.

وڭ جاقتاعى ەكى بولىكتى بۇيرەك، وڭ بىلەك، قول جانە اياق سول جاقتاعىلارعا قاراعاندا اۋىرلاۋ تارتادى. ءبىز سول جاقتا ورنالاسقان دەپ سانايتىن جۇرەكتىڭ ءوزى كوكىرەكتىڭ ورتاسىنا جاقىن ورنالاسقان. جۇرەكتىڭ اناتوميالىق جوعارعى جاعى سولعا قاراي قيسايعاندىقتان، ونىڭ سوعۋى جوعارعى جاعىندا جۇزەگە اساتىندىقتان ءبىز جۇرەكتى سول جاقتا ورنالاسقان دەگەن توقتامعا كەلدىك.

ىشكى ورگانداردىڭ وسىلاي ورنالاسۋىنا بايلانىستى دەنەنىڭ ماسسالىق ورتاسى ءدال ورتا تۇستا ەمەس، بىزگە بەلگىسىز سەبەپتەرگە بايلانىستى وڭ جاققا قاراي اۋىتقىعان تۇردە ورنالاسادى.

3. فيزيكالىق زاڭدىلىق بويىنشا قارار بولساق، دەنەنىڭ اۋىرلىق ورتاسى ارقىلى وتەتىن ۆەرتيكالدى سىزىق دەنەنىڭ تەپە-تەڭدىگىن ساقتاپ تۇرۋ ءۇشىن جەردە تۇرعان ەكى اياقتىڭ ورتاسىنا سايكەس كەلۋى كەرەك. ەگەر انا ءسابيىن وڭ قولىمەن وڭ جاق تۇسىنا قىسىپ ۇستار بولسا، وندا وعان كومەكشى رەتىندە سول قولىن قولدانۋعا تۋرا كەلەر ەدى. سوندا وڭ جاققا كوبىرەك سالماق ءتۇسىپ، تەپە-تەڭدىكتى ۇستاۋ قيىنعا سوعار ەدى. ونداي جاعدايدا انالار البەتتە ءبىر جاعىنا قۇلار ەدى، سودان وزىنە عانا ەمەس بالالارىنا دا زيانىن تيگىزىپ الارى ءسوزسىز.

انا بالاسىنا سول جاعىنا جاتقىزىپ ۇستاعان كەزدە ءوزىنىڭ تەپە-تەڭدىگىن ساقتاپ قانا قويماي، اۋىرلىق ورتاسىن وڭنان سولعا قاراي (دەنەنىڭ ورتاسىنا) جىلجىتادى. مىنە، سول كەزدە عانا تەپە-تەڭدىكتى جوعالتىپ الۋدان قورىقپاي، بالانى وڭاي الىپ جۇرۋگە بولادى.

ءبىر جاعىنان قولدا تۇرعان بالانىڭ اناسىنىڭ ماسسا ورتالىعىنا اسەرىن جانە ەكى قولعا تۇسىرەتىن اۋىرلىعىن انىقتاۋ ماڭىزدى.

بالانى سول قولعا العان كەزدە اۋىرلىق سول جاققا تۇسەدى. ال، وڭ قولعا العان كەزدە وڭ جاققا اۋىسادى. انانىڭ ماسسا ورتاسىن وڭ جاقتان ورتاعا اۋىستىرۋ ءۇشىن بالانى سول قولعا ۇستاۋ قاجەت. ءسابي سول قولدا جاتقان كەزدە بالانىڭ باس جاعىنىڭ اۋىرلىعى سول قولعا تۇسەدى، ال قالعان جاعىنىڭ اۋىرلىعى وڭ قولعا تۇسەدى. بىلايشا ايتقاندا، بالانىڭ ماسسالىق ورتاسى وڭ قولعا جاقىن ورنالاسادى، سونداي-اق بارلىق اۋىرلىق كۇشتىلەۋ قولعا تۇسەدى.

سالىستىرمالى تۇردە قاراعاندا سول قول وڭ قولعا قاراعاندا السىزدەۋ بولاتىندىقتان، كوبىنە بالانىڭ باسىن ۇستاۋعا قولدانىلادى. ەگەر انا بالاسىن وڭ جاعىندا ۇستاسا، وندا سول قولىنا تۇسكەن اۋىرلىق جۇرۋىنە قيىندىق تۋدىرعان بولار ەدى.

انالاردىڭ ءوز سابيلەرىن سول جاعىمەن ەرىكسىز تۇردە كوتەرۋى بالانىڭ قاۋىپسىزدىگىن ودان سايىن ارتتىرا تۇسەتىن كورىنەدى. سوققى العاندا، سوعىسىپ قالعاندا نەمەسە قۇلاعاندا ادام وڭ يىعىمەن، وڭ قولىمەن قورعانادى. سول جاق كوكىرەك تۇسىندا ءارى باس جاعىمەن جاتقان بالا مۇنداي قاۋىپتەردەن اۋلاق بولادى. مىسالعا، بالاسىنىڭ باسىن وڭ جاعىنا قاراتا وڭ قولىمەن ۇستاعان انا قۇلاعان جاعدايدا بالاسىنا تاستاي سالۋى ىقتيمال. ونداي جاعدايدا بالا باسىنان سوققى الۋى مۇمكىن.

ەگەر دە بۇل سۇراققا بالانىڭ قاۋىپسىزدىگى جاعىنان قارار بولساق، انانىڭ بالانى سول قولىمەن ۇستاپ، تەپە-تەڭدىكتى دۇرىستاۋىنان بولەك، سول قولداعى بالانىڭ اناسىنا قاراپ جاتۋى ماڭىزدى بولماق. سەبەبى، جاتۋ قالىبى مەن دەنساۋلىعىنىڭ اراسىندا تىكەلەي قاتىناس بار. بالا ءۇشىن جاتىردا جاتقان سەكىلدى قالىبى ىڭعايلى بولماق. وڭ جاققا قاراپ جاتقاندا جۇرەككە اۋىرلىق تۇسپەيدى، ەركىن دەم الادى. وزدەرىڭىز بىلەتىندەي بۇلاي جاتۋ پايعامبارىمىز (س. ا. ۋ.) سۇننەتى بولىپ تابىلادى. ءالى دە وڭ جاقپەن جاتۋ دۇرىس جاتۋدىڭ ءبىر ۇلگىسى بولىپ كەلەدى.

4. بالانى وڭ قولعا جاتقىزعان كەزدە جاتىردا جاتقان سەكىلدى قالىپقا ەنىپ جاتادى. بۇل كەزدە بالا ءوزىنىڭ ۇيرەنشىكتى قالپىنا ەنىپ، تەز تىنىشتالىپ، ۇيىقتاپ كەتەدى. ءبىر جاعىنان بۇنىڭ دا كەرەعار تۇستارى بار. نەگە دەسەڭىز، سول جاعىمەن جاتقان بالانىڭ جۇرەگىنە قىسىم تۇسەدى. بۇل ءوز كەزەگىندە بالانىڭ مازاسىزدانىپ، جىلاۋىنا، كوپتەگەن كەلەڭسىزدىكتەرگە الىپ كەلەدى.

تاجىريبەسى بار انالار بىلەدى، بالانى ەمىزگەن كەزدە بالا وڭ جاعىن تەزىرەك ەمىپ تاستاپ، سول جاعىن ەمگىسى كەلەدى. سەبەبى، بالاعا وڭ جاعىن ەمىزگەن كەزدە تەز شارشايدى، سوندىقتان كوپ ەمگىسى كەلمەيدى. سوندىقتان بالاسىن ەمىزىپ ۇيىقتاتقىسى كەلەتىن انالار ءبىرىنشى وڭ جاعىن، كەيىن سول جاعىن ەمىزگەنى ابزال.

بالا تۋىلعاننان كەيىن، ءوزىن ءالى قورعانسىز سەزىنەتىن كەزىندە بالا اناسىنىڭ ءبىر بولشەگى بولىپ قالا بەرەدى. تەك بەلگىلى ءبىر ۋاقىتتان كەيىن، التى اي تولعاندا بالا ءوزىن اناسىنان بولەك جاراتىلىس ەكەنىن سەزىنە باستايدى. ولار وسىلايشا وزدەرىن قاۋىپسىز سەزىنىپ، تىنىشتالىپ، باقىتتى كۇي كەشەدى.

وسى سۇراقتى تالقىلاي كەلگەندە، بالانى سول قول سول جاق كوكىرەك تۇسىندا ۇستاۋ اناعا عانا ەمەس بالاعا دا كوپتەگەن پايدالار بەرەدى. انالاردى ارنايى وقۋسىز-اق وسىعان بەيىم ەتىپ جاراتقان راببىمىزدىڭ بۇل ءبىر مەيىرىمى دەپ بىلەمىز.

«يسلام» سايتى