ايەلدىڭ قۇران مەن سۇننەتتە اتالعان قۇقىقتارى مەن مىندەتتەرى

استانا. قازاقپارات - يسلام تۇرعىسىنان ايەل - نازىكتىكپەن، مەيىرىمدىلىكپەن قارىم-قاتىناس جاساۋدى، سىيلاستىق پەن تۇسىنىستىكتى قاجەت ەتەتىن اللانىڭ ەرەكشە جاراتىلىسى.

ال قۇران مەن سۇننەتتە ايەلدەردىڭ قۇقىقتارى مەن مىندەتتەرى جازىلعان. سولاردىڭ ءبىرقاتارىنا توقتالا كەتسەك:

1. ۇرپاق جالعاستىرۋ.

بۇل تۋرالى قاسيەتتى قۇراندا: «ۋا، ادامدار! ءشۇباسىز، سەندەردى ءبىر ەر مەن ءبىر ايەلدەن جاراتتىق. سونداي-اق، سەندەردى ءبىر-بىرىڭمەن تانىسىپ، تابىسۋلارىڭ (ءھام ءبىر-بىرىڭە قامقورشى دوس بولىپ، ءوزارا جاردەمدەسىپ، تاتۋ-ءتاتتى ءومىر سۇرۋلەرىڭ ءارى جەر بەتىن كوركەيتۋلەرىڭ) ءۇشىن سان الۋان ۇلىستار مەن رۋلارعا بولدىك...» دەلىنگەن («حۋجۋرات» سۇرەسى، 13-ايات).

2. اللانىڭ بۇيرىقتارىن ورىنداۋ.

ايەلدەر جاراتۋشىنىڭ قاسيەتتى كىتابى مەن پايعامبارىمىزدىڭ (س. ع. س.) سۇننەتىندە اتالعان بارلىق بۇيرىقتاردى ورىنداۋى ءتيىس (بەس پارىزدى ورىنداۋ، اۋرەت جەرلەردى جابۋ، ەرىنە بويۇسىنۋ ت. ب.).

«راببىلارى ولاردىڭ دۇعا-ءمىناجاتتارىنا بىلاي جاۋاپ بەردى: «ءشۇباسىز، مەيلى ەر، مەيلى ايەل بولسىن ارالارىڭنان ۇنەمى وسىلاي يگىلىكتى ىستەر ىستەيتىندەردىڭ ەڭبەگىن زايا ەتپەيمىن...» («ءالي-يمران» سۇرەسى، 195-ايات).

3. ءبىلىم الۋ قۇقىعى.

ايەلدەر وقىپ، ءبىلىم الىپ، بەلگىلى ءبىر ماماندىق يەسى اتانۋعا قۇقىلى.

4. جەكە پىكىرىن ايتۋ ەركىندىگى.

ەر كىسىلەرمەن قاتار ايەلدەر دە بەلگىلى ءبىر جاعدايعا ءوز كوزقاراسىن ءبىلدىرىپ، ويىن ايتا الادى. وعان پايعامبارىمىزدىڭ (س. ع. س.) تۇرمىستىق قانا ەمەس، سونىمەن قاتار مەملەكەتتىك ىستەردە دە ايەلەدەرىمەن كەڭەسكەنى دالەل بولا الادى. سول زامانداعى ايەلدەر كۇيەۋلەرىنە ءارقاشان كومەكتەسىپ، وتباسىلىق ماسەلەلەردى بىرلەسىپ شەشكەن، ءبىلىم الىپ، قانداي دا ءبىر ىستە ەرىنە اقىل قوسىپ كەڭەسشىسى ءارى كومەكشىسى بولا بىلگەن.

Alashainasy.kz