ق ر پرەزيدەنتىنىڭ الداعى جولداۋى ءۇشجىلدىق بيۋدجەت نەگىزىندە جاريا ەتىلەدى

 استانا. قازاقپارات - بۇگىن ق ر پارلامەنتى پالاتالارىنىڭ بىرلەسكەن وتىرىسىندا ەلىمىزدىڭ ءۇش جىلدىق بيۋدجەتى قارالادى.

 بۇل تۋرالى بۇگىن اقوردادا ءوتىپ جاتقان ق ر ۇكىمەتىنىڭ كەڭەيتىلگەن وتىرىسىندا ەلباسى نۇرسۇلتان نازاربايەۆ ايتتى.

 «قازىرگى جاعدايدا وزدەرىڭىز كورىپ وتىرسىزدار، دۇنيەدە دە، بىزدە دە ۇلكەن داعدارىس بار. ءبىزدىڭ سىرتقا شىعارىلاتىن ەكسپورتتىق تاۋارىمىزدىڭ باعاسى تومەندەدى. مۇنايدىڭ باعاسى بۇگىن 43 دوللار بولىپ تۇر. جىلدىڭ ورتاسىنان بەرى قاراي ساناعاندا، جالپى، جارتى جىلدىڭ ىشىندە 3 ەسە تومەندەدى دەگەن ءسوز»، - دەدى ەلباسى.

ق ر پرەزيدەنتى وسىعان بايلانىستى ۇكىمەت بيۋدجەتتىڭ جوباسىن ازىرلەپ، بۇگىن ونى پارلامەنت قاراۋىنا ەنگىزەتىندىگىن اتاپ ءوتتى.

«ءبىز ونىڭ بارلىعىن ەگجەي- تەگجەيلى قاراپ شىقتىق. سونىڭ نەگىزىندە ەندىگى جىلعا ارنالعان حالىققا جولداۋ بولادى. وسىنىڭ بارلىعىن ءبىز قازىر كەڭەستە تىڭدايتىن بولامىز. سودان كەيىن نە ىستەۋىمىز كەرەكتىگى جونىندەگى تاپسىرمالاردى تالقىلايمىز»، - دەدى ن. نازاربايەۆ.

 ق ر پرەزيدەنتى اعىمداعى جىلدىڭ قىركۇيەك ايىندا وتكەن ۇكىمەتتىڭ كەڭەيتىلگەن وتىرىسىندا ءبىرقاتار تاپسىرما بەرىلگەنىن ەسكە سالدى. بۇل باعىتتا ناقتى جۇمىستاردىڭ اتقارىلعانىن، قاجەتتى زاڭداردىڭ ءبىرازىنا قول قويىلعانىن ايتتى.

«سوندىقتان حالىققا جاريالاعانداي، بۇل رەفورمالار ەندىگى جىلدىڭ باسىنان باستاپ ىسكە اسىرىلاتىن بولادى»، - دەدى مەملەكەت باسشىسى.

 اۆتور: مارلان جيەمباي