رەجەپ تايىپ ەردوعان: تەرروريزمنىڭ ءدىنى، ۇلتى، ءناسىلى مەن وتانى جوق

استانا. قازاقپارات - تۇركيا پرەزيدەنتى رەجەپ تايىپ ەردوعان فرانسيا استاناسىندا بولعان لاڭكەستىك شابۋىلدى قاتاڭ ايىپتاپ، ارىپتەسى فرانسۋا وللاند پەن بۇكىل فرانسۋز حالقىنا كوڭىل ايتتى.

 تۇرىك ەلىنىڭ مەملەكەت باسشىسى «تەرروريزمنىڭ ءدىنى، ۇلتى، ءناسىلى مەن وتانى جوق. لاڭكەستەر كۇللى ادامزاتقا بىردەي قاۋىپتى» دەپ اتاپ ءوتىپ، حالىقارالىق قاۋىمداستىقتى تەرروريزم مەن ەكسترەميزمگە قارسى كۇش بىرىكتىرۋگە شاقىردى.

 رەجەپ تايىپ ەردوعان، تۇركيا رەسپۋبليكاسىنىڭ پرەزيدەنتى:

 - تۇركيا تەرروريزمگە قارسى ۇستانىپ وتىرعان باعىتىنان تايماي، ونى اۋىزدىقتاۋ جولىندا كۇرەس جۇرگىزۋدى ودان ارى   جالعاستىرا بەرمەك. ءبىز انكارا، سۋرۋچ، گازيانتەپ پەن شىرناكتا بولعان قاندى شابۋىلداردا قالاي قايعىرساق، پاريجدەگى سۋىت حاباردى دا ءدال وسىلاي اۋىر قابىلدادىق. ويتكەنى تەرروريزمنىڭ قاۋىپ- قاتەرىن سەزىنگەن مەملەكەت رەتىندە فرانسيانىڭ باسىنان ءوتىپ جاتقان قاسىرەتتى وتە جاقسى بىلەمىز. ارىپتەسىم فرانسۋا وللاند پەن بارلىق فرانسۋز حالقىنىڭ قايعىسىنا ورتاقپىز.

www.24.kz